બરોડા ડેરીના શાસકો અને ભાજપના ધારાસભ્યોનો વિવાદ વકરતા પ્રદેશ ભાજપ અધ્યક્ષ સી.આર. પાટીલ એક્શનમાં આવ્યા છે તેમણે કેતન ઈનામદાર સાથે કરી ટેલિફોનિક વાતચીત
પ્રદેશ પ્રમુખ સી.આર.પાટીલ એક્શનમાં
કેતન ઇનામદાર સાથે કરી ટેલિફોનિક વાત
આજે રાત્રે ડેરીના તમામ ડિરેક્ટરો સાથે બેઠક
બરોડા ડેરીના શાસકો અને ધારાસભ્યોના વિવાદનો મામલો વકરતા હવે પ્રદેશ ભાજપ અધ્યક્ષ સી.આર. પાટીલ એક્શનમાં આવ્યા છે. સી.આર. પાટીલે આજે કેતન ઈનામદાર સાથે ટેલિફોનિક વાતચીત હતી જેમાં બરોડા ડેરીમા ભાવફેર મુદ્દે સી.આર. પાટીલ સાથે ચર્ચા કર્યા બાદ ઈનામદારે પણ સી.આર. પાટીલની વાતને સર્મથન આપ્યું છે. સમગ્ર મામલે ઈનામદાર સહિત ધારાસભ્યો સી.આર.પાટીલની મુલાકતે પણ લે તેવું મનાઈ રહ્યું છે.
આજે રાત્રે ડેરીના તમામ ડિરેક્ટરો સાથે બેઠક
પ્રદેશ ભાજપ અધ્યક્ષ સી.આર. પાટીલ સાથે ઈનામદારની ટેલિફોનિક વાતચીત બાસ સમગ્ર વિવાદનો અંત આવી શકે તેવું લાગી રહ્યું છે સાથે આજે રાત્રે ડેરીના તમામ ડિરેક્ટરો સાથે મહત્વની બેઠક પણ યોજાઈ શકે છે જેમાં સાંસદ તેમજ જિલ્લા ભાજપ પ્રમુખ, જિલ્લા ભાજપ પ્રભારી પણ બેઠકમાં હાજર રહે તેવું લાગી રહ્યું છે તો આવતી કાલ સુધીમાં ડેરીના ભાવફેર મામલે મોટો નિર્ણય લેવાય તેવી શક્યાતાઓ જોવા મળી રહી છે.
પ્રદેશ પ્રમુખ સી.આર.પાટીલ એક્શનમાં
મહત્વનું છે કે બરોડા ડેરી વિવાદ મામલે હલ્લાબોલ કરવા જતા સભાસદો-પશુપાલકોની સાવલી ગોઠડા ચોકડી પાસેથી પોલીસે કરી અટકાયત, જ્યારે ગઈ કાલે બરોડા ડરીમાં ધારાસભ્યો કેતન ઇનામદાર અને અક્ષય પટેલની આગવાનીમાં પશુપાલકો દ્વારા ડેરી પ્રમુખને રજૂઆત કરવામાં આવી હતી પરતું દૂધમાં યોગ્ય ભાવફેર અંગે સત્તાધિશો સાથેની બેઠકમાં કોઇ નિવેડો ન આવતા કેતન ઇનામદાર બેઠક છોડીને નીકળી ગયા હતા.
સી.આર.પાટીલે ઇનામદાર સાથે કરી ટેલિફોનિક વાત
ધારાસભ્ય કેતન ઈનામદારે જણાવ્યું હતું કે, જ્યાં સુધી નિરાકરણ નહીં આવે ત્યાં સુધી આ લડત ચાલુ રાખવાની ચીમકી ઉચ્ચારવામાં આવી છે અને ગુરૂવારથી ડેરીની સામે તંબુ તાણીને બેસી જવાના સંકેત પણ આવ્યા છે પરતું આજે પ્રદેશ ભાજપ અધ્યક્ષ સી.આર.પાટીલ સાથે ટેલિફોનિક વાતચીત બાદ સમગ્ર મામલોનો અંત આવી જાય તેવું લાગી રહ્યું છે હવે જોવાનું રહ્યું ક્યારે આ વિવાદનો અંત આવે છે.