પાદરાના પૂર્વ ધારાસભ્ય દિનુ પટેલને ટિકિટ ન મળતા હતા નારાજ
દિનુ પટેલે પાદરા બેઠક પરથી અપક્ષ ઉમેદવારી નોંધાવી
ગુજરાતમાં વિધાનસભાના બ્યૂગલ વાગી ગયા છે. તમામ રાજકીય પાર્ટીઓ ચૂંટણી પ્રચારના તામજામ શરૂ કરી દીધા છે. જેમ જેમ મતદાનની તારીખ નજીક આવતી જાય છે તેમ રાજકીય માહોલ ગરમાતો જાય છે. ભાજપ, કોંગ્રેસ અને આમ આદમી પાર્ટીની અંદરો અંદરો ખેચાતાણ ચાલી રહી છે. વડોદરા ભાજપમાં ડંખો યથાવત છે ભલે ભાજપ નિશાળિયાને મનાવી લીધા હોય પરંતુ વડોદરામાં મધુ શ્રીવાસ્તવ અને દિનુમામાને ભાજપનું મોવડીમંડળ માનવવામાં નિષ્ફળ રહ્યું છે. બરોડા ડેરીના ચેરમેન દિનુ પટેલે ભાજપમાંથી રાજીનામું આપ્યું છે.
દિનુ પટેલે ભાજપમાંથી આપ્યું રાજીનામું
બરોડા ડેરીના ચેરમેન દિનુ પટેલે ભાજપમાંથી રાજીનામું આપ્યું છે. પાદરાના પૂર્વ ધારાસભ્ય દિનુ પટેલને ટિકિટ ન મળતા તેઓ નારાજ હતા. દિનુ પટેલે પાદરા બેઠક પરથી અપક્ષ ઉમેદવારી નોંધાવી છે. દિનુ પટેલને હર્ષ સંઘવી અને સી આર પાટીલની સમજાવટ બાદ પણ માન્યા નથી. દિનુ પટેલે સી આર પાટીલ અને જિલ્લા ભાજપ પ્રમુખને રાજીનામું મોકલ્યું છે. પાર્ટી દિનુ પટેલને સસ્પેન્ડ કરે તે પહેલા જ દિનુ પટેલે પાર્ટીને રામ રામ કર્યા છે.
ભાજપમાંથી ધવલસિંહ ઝાલાએ આપ્યુ રાજીનામું
ભાજપ નેતા ધવલસિંહ ઝાલાએ ભાજપના પ્રાથમિક સભ્યથી લઈને તમામ હોદ્દા પરથી રાજીનામું આપ્યું છે. રાજીનામું પ્રદેશ ભાજપ અધ્યક્ષ સી આર પાટીલને મોકલી આપ્યુ છે. ભાજપમાંથી ટિકિટ ન આપતા ધવલસિંહ ઝાલા ભાજપથી નારાજ હતા. ધવલસિંહ ઝાલાએ જણાવ્યું કે, ભાજપે નિષ્ક્રિય ઉમેદવારની પસંદગી કરી છે. તમને જણાવી દઈએ કે, તમને જણાવી દઈએ કે, બાયડ બેઠક પર ભાજપે ભીખીબેન પરમારને ટિકિટ આપી છે.
મધુ શ્રીવાસ્તવ, દિનુમામાને મનાવવામાં ભાજપ નેતાઓ નિષ્ફળ
વડોદરામાં ડેમેજ કંટ્રોલ કરવામાં ભાજપ મોવડીમંડળ નિષ્ફળ રહ્યું છે. દંબગ ધારસભ્ય મધુ શ્રીવાસ્તવ, દિનુમામાને મનાવવામાં ભાજપ નેતાઓ નિષ્ફળ સાબિત થયા છે. અગાઉ સવા કલાક સુધી ચાલેલી બેઠક બાદ પણ મધુ શ્રીવાસ્તવ અને દિનુ પટેલ માન્યા નથી. સી આર પાટીલે નારાજ મધુ શ્રીવાસ્તવને વડોદરા એરપોર્ટ બોલાવ્યાં હતા. વડોદરા એરપોર્ટ પર મધુ શ્રીવાસ્તવ અને સી.આર.પાટીલ વચ્ચે બેઠક થઇ હતી. સવા કલાક સુધી ચાલેલી બેઠક બાદ પણ મધુ શ્રીવાસ્તવ માન્યા નથી
અગાઉ પણ અપક્ષ ચૂંટણી લડી ચૂક્યા છે દિનુ પટેલ
અત્રે ઉલ્લેખીય છે કે, વર્ષ 2007માં પાદરા બેઠક પરથી દિનેશ પટેલ અપક્ષ તરીકે ચૂંટણી લડ્યા હતા અને જેમાં તેમનો વિજય થયો હતો. ત્યારબાદ તેઓએ ભાજપનો ખેસ ધારણ કરી લીધો હતો. ભાજપમાં ગયા બાદ 2012માં ભાજપે તેઓને ટિકિટ આપી હતી અને તેમાં પણ તેઓ વિજયી બન્યા હતા. જોકે, ગત વિધાનસભાની ચૂંટણીમાં તેમનો પરાજય થયો હતો. તેમને કોંગ્રેસના ઉમેદવાર જસપાલસિંહ ઠાકોર (પઢીયાર)એ હરાવ્યા હતા.