સાવધાન / ચાર્જિંગમાં રાખેલા મોબાઈલની બેટરી ફાટી: આગ લાગતા આઠ માસની બાળકીનું મોત

• બરેલીમાંથી એક આઘાત જનક સમાચાર આવ્યા
• મોબાઈલની બેટરીમાં બ્લાસ્ટ થતાં આગ લાગી
• બેડ પર સુતેલી આઠ માસની બાળકીનું મોત

ઉત્તર પ્રદેશના બરેલીમાંથી એક દુ:ખદ સમાચાર આવ્યા છે. ફરીદપુરના પચૌમી ગામમાં ચાર્જિંગ પર લાગેલા મોબાઈલની બેટરી ફાટવાથી 8 માસનું બાળક ગંભીર રીતે દાઝી ગયું હતું. પરિવારના લોકોએ તાત્કાલિક તેને હોસ્પિટલમાં પહોંચાડ્યું, જ્યાં સારવાર દરમિયાન આ બાળકનું મોત થઈ ગયું હતું.

ફરીદપુરના પચૌમી ગામમાં રહેતી સુનીલ કુમારના ઘરે સૌર ઊર્જા પ્લાન્ટ લગાવેલો છે. ચાર્જિંગ દરમિયાન તેમને બેડ પર મોબાઈલ રાખ્યો હતો. આ જ બેડ પર તેમનો આઠ મહિનાની દિકરી રોલી સુઈ રહી હતી.

પરિવારના જણાવ્યા અનુસાર, અચાનક મોબાઈલની બેટરીમાં બ્લાસ્ટ થયો હતો. આ અગાઉ પરિવારને જાણ થાય તે પહેલા બેડ પર આગ ફેલાઈ ગઈ હતી અને સુઈ રહેલી દિકરી આગની ચપેટમાં આવી ગઈ. ઘરવાળા દોડ્યા અને આગ ઠારી પણ ત્યાં સુધીમાં દિકરી ગંભીર રીતે ઘાયલ થઈ ગઈ હતી. ઘરવાળાઓએ તાત્કાલિક તેને નજીકની હોસ્પિટલમાં લઈ ગયા. ડોક્ટરે બાળકીને પ્રાથમિક સારવાર માટે તેને વોર્ડમાં ભરતી કરી. ડોક્ટરે જણાવ્યું કે, બાળકી લગભગ 30 ટકા દાઝી છે. સારવાર દરમિયાન તેનું મોત થઈ ગયું હતું.

આપને જણાવી દઈએ કે, બે દિવસ પહેલા બદાયૂમાં પણ મોબાઈલ ચાર્જ દરમિયાન ચાર્જરમાં આગ લાગતા મહિલાને કરંટ લાગ્યો અને તેનું મોત થઈ ગયું હતું. પરિવાર કોઈ કાર્યવાહી વિના શબના અંતિમ સંસ્કાર કરી દીધા હતા.