વાહવાહી / ગીત ગાઈને વાયરલ થયો વાળંદનો દીકરો, સોનુ સૂદે બિહારથી મુંબઈ બોલાવીને કર્યું આ કામ, લોકો કરી રહ્યા છે વખાણ

• બિહારમાં ફેમસ છે અમરજીત જાકર 
• સોનુ સુદે આપી બોલિવુડની ઓફર 
• જાણો કોણ છે આ યુવક 

સોશિયલ મીડિયાના કારણે દેશમાં ખુણે ખુણે છુપાયેલા ટેલેન્ટને ઓળખાણ મળે છે. હાલમાં જ તેનો નમુનો ત્યારે જોવા મળ્યો જ્યારે બિહારના નાના ગામમાં રહેતો સાધારણ યુવક અમરજીત જાકર બોલિવુડ સેલેબ્રિટી બની ગયો. 

આ યુવક ખૂબ જ સુંદર અવાજના કારણે ઈન્ટરનેટ પર છવાઈ ગયો છે અને વાયરલ  થતા થતા તેનો અવાજ સોનુ સૂદના કાન સુધી પહોંચી ગયો છે. સોનુએ તેના અવાજને સાંભળીને તરત જ તેને તક આપી દીધી છે તેના વિશે તેણે સપનામાં પણ નહીં વિચાર્યું હોય. 

@SonuSood सर से आज बात हुआ सर की अभी आने वाली #fateh में मुझे गाने का मौका दिया 27/28 को मैं मुंबई में रहूंगा आप सबका प्यार रहे 🙏#sonusood #Amarjeetjaikar pic.twitter.com/94ktwrfMYr

— Amarjeet Jaikar (@AmarjeetJaikar3) February 22, 2023

અમરજીત જાકરનો વીડિયો થયો હતો વાયરલ 
હકીકતે છેલ્લા થોડા દિવસોમાં અમરજીત જાકરનો એક વીડિયો વાયરલ થયો હતો તેમાં તે બ્રશ કરતા ફેમસ ગીત 'દિલ દે દિયા હૈ જાન તુમ્હે દેંગે' ગીત ગાઈ રહ્યો હતો. લોકોને આ યુવકનો સુંદર અવાજ અને સાદગી એટલી પસંદ આવી કે ઘણા લોકોએ આ વીડિયોને તાબડતોબ શેર કરવાનું શરૂ કરી દીધુ.

વાયરલ થતા થતા આ વીડિયો સોનુ સૂદની પાસે પહોંચ્યો તેમણે પણ અમરજીતનો આ વીડિયો શેર કર્યો અને ખૂબ જ વખાણ કર્યો. ત્યાં જ તેમના બાદ તેમણે અમરજીતને તેમના જીવનની સૌથી મોટી ઓફર પણ આપી દીધી. સોનુ સૂદે અમજીતને બોલિવુડમાં બ્રેક આપવાનો નિર્ણય કર્યો. 

@JubinNautiyal भईया का ये प्यारा सा गाना pic.twitter.com/Ri0pj2kjCX

— Amarjeet Jaikar (@AmarjeetJaikar3) February 23, 2023

અમરજીતે ટ્વીટર પર શેર કર્યો વીડિયો 
અમરજીતે ટ્વીટર એકાઉન્ટ પર પોતાનો એક વીડિયો શેર કર્યો છે. જેમાં તેણે જણાવ્યું છે કે સોનુ સૂદે તેમને પોતાની આવનાર ફિલ્મ 'ફતેહ'માં ગીત ગાવાની તક આપી છે અને આ ગીત દ્વારા તે બોલિવુડમાં ધમાકેદાર ડેબ્યૂ માટે તૈયાર છે. 

ત્યાં જ ત્યાર બાદથી અમરજીતની સ્ટોરી પણ સોશિયલ મીડિયા પર ટ્રેન્ડિંગ થઈ રહી છે. તેમણે હાલમાં જ પોતાના એક ઈન્ટરવ્યૂમાં જણાવ્યું છે કે તે બિહારના કેટલા ગરબ અને સાધારણ પરિવારથી આવે છે.