તમે સલૂનમાં કોઇ ખાસ હેર સ્ટાઇલ કરાવવા જાઓ પરંતુ વાળંદ તમારી હેર સ્ટાઇલ બગાડી દે તો? કેવું લાગશે તમને? એવું જ કંઇક અમેરિકામાં થયું જ્યાં વાળંદે વાળ કાપવવાની સાથે સાથે કાન પણ કાપી નાંખ્યા. વાસ્તવમાં અમેરિકાના વિસ્કૉન્સિનમાં એક વ્યક્તિ સાથે આ જ ઘટના બની. 22 વર્ષનો વ્યકિત ક્રિસમસના અને પછી વેકેશનના અવસર પર નવી હેર સ્ટાઈલ કરાવવા માટે સલૂન ગયો. પરંતુ જ્યારે કટિંગ થઈ ગયું તો તેણે જોયું કે તેના અડધા વાળ કપાઈ ગયા છે અને કાન પણ કપાઈ ગયો હતો.
વાસ્તવમાં તેણે વાળંદને ઈલેક્ટ્રોનિક રેઝરથી બે નંબર ક્લિપરનો ઉપયોગ કરવાનું કહ્યુ હતું.જ્યારે તે વાળ કપાવવા ખુરશી પર બેઠો તો સ્ટાઈલિશ સાથે તેની રકઝક પણ થઈ. સ્ટાઈલિશનું કહેવુ હતું કે તે સ્થિર નહોતો બેસતો અને હલ્યા કરતો હતો. તેણે આ યુવકના કાન પર કાતર ફેરવી નાખી અને રેઝરથી તેના અડધા વાળ કાપી નાંખ્યા. કાનમાંથી નીકળતું લોહી જોઈને આ યુવક ઉભો થઈ ગયો અને પોલીસ સ્ટેશનમાં વાણંદ વિરુદ્ધ ફરિયાદ નોંધાવી. પોલીસે સ્ટાઈલિશની ધરપકડ કરી અને જણાવ્યું કે ચોક્કસપણે વાળ કાપવા ગુનો નથી પરંતુ તેણે કાતરથી જે કર્યું છે તેની સજા મળવી જોઈએ.