મધ્ય પ્રદેશના ઘાર જિલ્લામાં પ્રેમની બહું ક્રુર સજા આપવાનો મામલો સામે આવ્યો છે.
પ્રેમી પંખીડાને ઢોર માર મારવામાં આવ્યો
પ્રેમી યુગલને ગળામાં ટાયર પહેરાવી ડાન્સ કરાવવામાં આવ્યો
આ ઘટનામાં વીડિયો વાયરલ થયા બાદ પોલીસે નોંધી ફરિયાદ
પ્રેમી યુગલને ગળામાં ટાયર પહેરાવી ડાન્સ કરાવવામાં આવ્યો
પ્રેમના કારણે ઘર છોડીને જનારા યુવક અને યુવતીને જિલ્લાના કુંડી ગામમાં ઢોર માર માર્યો અને પછી તેના ગળામાં ટાયર નાંખીને ડાન્સ કરાવવામાં આવ્યો. આ ઘટના સામે આવ્યા બાદ પોલીસે કાર્યવાહી કરી 3 લોકોની ધરપકડ કરી છે. આ ઘટનામાં વીડિયો વાયરલ થયા બાદ પોલીસે 5 લોકોની વિરુદ્ધ કેસ નોંધ્યો હતો. જેમાંથી 3 લોકોની ધરપકડ કરી છે. 2 અન્ય લોકોની શોધ ચાલું છે. હાલમાં તે કાર્યવાહીના ડરથી ગામમાંથી ભાગી ગયા છે.
પ્રેમી પંખીડાને ઢોર માર મારવામાં આવ્યો
કહેવામાં આવી રહ્યું છે કે આ ઘટના 12 સપ્ટેમ્બરની છે અને યુવક અને યુવતી ઉપરાંત તેમને ભાગવામાં મદદ કરનારી એક સગીર યુવતીને ગામના લોકોએ પકડી લીધા હતા. છોકરીના પરિવારજનો અને ગામના લોકોએ તેમને ઢોર માર માર્યો હતો. હકિકતમાં આ છોકરી 10 જુલાઈએ પોતાના પ્રેમી સાતે ગામ છોડીને ભાગી ગઈ હતી. બન્ને ગુજરાત ચાલ્યા ગયા હતા અને દીકરી ગુમ થયાનો રિપોર્ટ પરિવારે પોલીસમાં નોંધાવ્યો હતો. પરંતુ જ્યારે લગભગ 2 મહિના બાદ તેઓ ગુજરાતથી પાછા ફર્યા તો છોકરીના પરિવારજનો અને ગામજનોએ તેમને પકડી લીધા હતા.
ગામજનોએ બન્નેની મદદ કરનારી એક સગીરને પણ ન છોડી
એટલું જ નહીં ગામના લોકોએ આ બન્નેની મદદ કરનારી એક સગીરને પણ ન છોડી. ઘટનનાની જાણકારી મળતા પોલીસે પોક્સો એક્ટ અને આઈપીસીની અલગ અલગ કલમ હેઠળ 5 લોકોની સામે ગુનો નોંધ્યો હતો. એડિશનલ એસપી દેવેન્દ્ર પાટીદારે કહ્યું કે છોકરીના પરિવારજનો આ વાતથી બહું ગુસ્સામાં હતા કે તે ભાગી ગઈ હતી. તેમને શંકા હતી કે બીજી દીકરીએ આ કામમા તેની મદદ કરી છે. છોકરીના પરિવારજનોની ફરિયાદના આધાર પર પોલીસે યુવતીના પ્રેમીની ધરપકડ કરી લીધી છે.