ફેસબુક પર અમેરિકાના પૂર્વ રાષ્ટ્રપતિ બરાક ઓબામાનો એક વીડિયો વાયરલ થઇ રહ્યો છે. આ વીડિયોમાં તેઓ જમવાનું પીરસી રહ્યા છે. આ વીડિયોમાં જોવા મળી રહ્યું છે તેઓ એકલા નહીં પરંતુ તેમના પત્ની મિશેલ ઓબામાન પણ આ વીડિયોમાં નજરે ચડી રહ્યા છે. આપને જણાવી દઇએ કે, ઓબામાં યુનાઇટેડ સ્ટેટ્સના 44 માં રાષ્ટ્રપતિ રહી ચૂક્યા છે અને હવે તેઓ વોશિંગ્ટનમાં રહે છે.
બરાક ઓબામાનો વીડિયો વાયરલ
પત્ની સાથે જમાવાનું પીરસી રહ્યા છે
નોંધનીય છે કે, બરાક ઓબામાના આ વીડિયોમાં કેપ્શન એવી લખી છે કે, વર્ષો સુધી દેશની સેવા કરવા બદલ ઓબામા અને તેમનો પરિવાર સૌનો આભાર માને છે. ખરેખર આ વીડિયો 2016 નો છે જ્યારે ઓબામા અમેરિકાના રાષ્ટ્રપતિ હતી. ત્યારે સેનાના રિટાયરમેન્ટ હોમમાં પૂર્વ સૈનિકોને થેંન્ક્સ ગિવિંગ કરતા બરાક ઓબામાં અને તેમનો પરિવાર જમવાનું પીરસી રહ્યો છે.
શું છે વીડિયોની હકીકત
આ વીડિયોને ધ્યાનથી જોતા તેની દિવાલ પર 'Armed Forces Retirement Home' એવું લખેલું વંચાઇ રહ્યું છે. જો કે, આ વીડિયોને જોઇ લોકોના મગજમાં સવાલ ઉઠી રહ્યા છે આખરે અમેરિકન રાષ્ટ્રપતિ રહી ચૂકેલ શખ્સ હવે જમવાનું કેમ પીરસી રહ્યા છે. તો તેના માટે આ હકીકત જાણી લેવી પણ તેટલી જ જરૂરી છે.