ઉધડો / ટ્રમ્પ પર ફરી વરસ્યા ઓબામા, કહ્યું તેમને ખબર જ નથી કે તે શું કરી રહ્યા છે

• ઓબામાએ ટ્રમ્પ અને તેમના અધિકારીઓ પર નિશાન સાધ્યુ
• વિદ્યાર્થીઓને અભિનંદન આપતા ઓબામાએ ટ્રમ્પની નીતિની ટીકા કરી
• સંબોધનમાં એક પણ વાર ટ્રમ્પ કે કોઈ અધિકારીનું નામ ન લીધુ

‘ધ ગાર્જિયન’ના રિપોર્ટ મુજબ કોલેજ અને યુનિવર્સિટીમાં અભ્યાસ કરતા બ્લેક સ્ટૂડન્ટના પદવી સમારોહને ઓનલાઈન સંબોધિ કરતા ઓબામાએ કહ્યુ કે ટ્રમ્પ વહીવટી તંત્રના અધિકારીઓ પણ જવાબદારી ઉઠાવાનો ડોળ સુદ્ધા પણ નથી કરી રહ્યા.

ઓબામાંએ વિદ્યાર્થીઓને સંબોધિત કરતા કહ્યું કે આ મહામારીને લઈને સંપૂર્ણ એ બાબત પરથી પરદો ઉઠી ગયો છે કે જવાબદાર પદો પર બેઠેલા લોકોને જાણી ગયા છે કે તેઓ શુ કરી રહ્યા છે. તેમાંથી ઘણા લોકો એવો ડોળ સુધ્ધા પણ નથી કરી રહ્યા કે તે શુ કરી રહ્યા છે. 

ઓબામાએ જોર્જીયામાં માર્યા ગયેલા અશ્વેત લોકો અંગે દુઃખ વ્યક્ત કર્યુ હતું. તેમણે કહ્યું કે ગોરાની સરખામણીમાં અશ્વેત લોકો કોરોનાથી જે રીતે મરી રહ્યા છે તે અમેરિકાની વ્યવસ્થાની ખામીઓ છતી કરી રહ્યું છે.

ઓબામાએ વિદ્યાર્થીઓને અભિનંદન આપી તેમને બિરદાવ્યા હતા.  તેમણે ફેબ્રુઆરીમાં થયેલી ગોળીબારની ઘટનાનો ઉલ્લેખ કર્યો હતો જેમાં 25 વર્ષના અહમદ અરબેરીની તે સમયે હત્યા કરવામાં આવી દ્યારે જોર્જીયામાં એક રસ્તા પર તે જોગિંગ કરી રહ્યો હતો.

સમગ્ર સંબોધનમાં ઓબામાએ ડોનાલ્ડ ટ્રમ્પ કે તેમના એક પણ અધિકારીનું નામ લીધુ ન હતો. પણ તેમની કડક શબ્દોમાં ટીકા કરી હતી. વ્હાઈટ હાઉસ છોડ્યા પછી ઓબામાં શાંત હતા. પરંતું છેલ્લા કેટલાક દિવસોમાં તેઓ નિવેદોને કારણે સમાચારમાં છે. તેઓ ડેમોક્રેટિક પાર્ટી તરફથી રાષ્ટ્રપતિના ઉમેદવાર જો બિડેનના વખાણ કરતા નજરે પડી રહ્યા છે.