ઉત્તર પ્રદેશના બારાબંકીમાંથી ખતરનાક અકસ્માતની ઘટના સામે આવી છે.
ઉત્તર પ્રદેશમાંથી મોટી દુર્ઘટના સામે આવી
બારાબંકીમાં રોડ અકસ્માતમાં ચાર લોકોના મોત
રોડ કિનારે ઉભેલી બસ સાથે ટ્રક અથડાયો
ઉત્તર પ્રદેશના બારાબંકીમાંથી ખતરનાક અકસ્માતની ઘટના સામે આવી છે. અહીં એક રોડ અકસ્માતમાં ચાર લોકોના મોત થયા છે. પોલીસ દ્વારા આપવામાં આવેલી વિગતો અનુસાર આ ઘટના બારાબંકીના રામગનર વિસ્તારની છે. અહીં શનિવાર સવારે એક સ્પિડમાં આવી રહેલા ટ્રકે રોડના કિનારે ઊભેલી બસને ટક્કર મારી હતી. આ દુર્ઘટનામાં ચાર લોકોના મોત થઈ ચુક્યા છે અને અન્ય 10 લોકો ગંભીર રીતે ઘાયલ પણ થયા છે.
Uttar Pradesh | Four people died after a speeding truck rammed into their double-decker in Ramanagar Police Station area of Barabanki district earlier today around 3.30 am. The bus was going from Nepal to Goa, and was parked to change a punctured tyre when the incident took place pic.twitter.com/6Mu36ZkhoD
અધિક પોલીસ અધિકારી પૂર્ણેન્દુ સિંહે જણાવ્યું છે કે, નેપાળથી ગોવા જઈ રહેલી શ્રમિકોથી ભરેલી એક ડબલ ડેકર બસનું ટાયર રામનગર વિસ્તારમાં પંચર થતાં રસ્તાની કિનારે બસ ઊભી રાખી હતી. આ દરમિયાન પાછળથી આવેલા એક ટ્રકે ટક્કર મારી, દુર્ઘટના સમયે મોટા ભાગના યાત્રીઓ બસમાં સુઈ રહ્યા હતા.
આ ઘટનામાં ચાર લોકોના મોત
તેમણે જણાવ્યું હતું કે, આ ઘટનામાં 10થી વધારે લોકો ઘાયલ થયા છે. જેમને હોસ્પિટલમાં ભરતી કરવામાં આવ્યા છે. જ્યાં સારવાર દરમિયાન ચાર લોકોના મોત થયા છે. ઘાયલોમાંથી બેને લખનઉના ટ્રોમા સેન્ટરમાં રેફર કરવામાં આવ્યા છે અને બાકીના આઠને સ્થાનિક હોસ્પિટલમાં સારવાર થઈ રહી છે. આ બસમાં 60 લોકો બેઠેલા હતા.