ઉત્તર પ્રદેશના બારાબંકીની જેલમાં 26 કેદીઓ HIV પોઝિટિવ આવ્યા છે. આ મામલો સામે આવ્યા બાદ સ્વાસ્થ્ય વિભાગમાં હડકંપ મચી ગયો છે.
યુપીના બારાબંકીની જેલમાં 26 કેદી એચઆઈવી પોઝિટિવ આવ્યા
સ્વાસ્થ્ય વિભાગની ટીમ હરકતમાં આવી
રૂટીન ચેકઅપમાં આ કેદીઓ પોઝિટિવ આવ્યા
ઉત્તર પ્રદેશના બારાબંકીની જેલમાં 26 કેદીઓ HIV પોઝિટિવ આવ્યા છે. આ મામલો સામે આવ્યા બાદ સ્વાસ્થ્ય વિભાગમાં હડકંપ મચી ગયો છે. જેલમાં પોઝિટિવ આવેલા કેદીઓની તપાસ સ્વાસ્થ્ય વિભાગની ટીમ ત્રણ તબક્કામાં કેમ્પ લગાવીને કરી હતી. આ પોઝિટિવ કેદીઓને લખનઉના રામ મનોહર લોહિયા હોસ્પિટલના ART થેરેથી શરુ કરી છે. હાલમાં 70 મહિલા કેદીઓના ટેસ્ટ થવાના બાકી છે.
પ્રાપ્ત વિગતો અનુસાર, બારાબંકી જિલ્લા જેલમાં કેદીઓની તપાસ 10 ઓગસ્ટથી 1 સપ્ટેમ્બરની વચ્ચે થઈ હતી. સ્વાસ્થ્ય વિભાગે તેના માટે 3 તબક્કામાં કેમ્પ લગાવીને એચઆઈવી ટેસ્ટ કર્યા હતા. તેમના રિપોર્ટમાં 26 કેદી પોઝિટિવ મળ્યા છે. આ મામલો સામે આવ્યા બાદ જેલ પ્રશાસન એલર્ટ થઈ ગયું છે. તો વળી સ્વાસ્થ્ય વિભાગની ટીમ જેલ પહોંચી ચુકી છે.
રિપોર્ટ આવ્યા બાદ પોઝિટિવ મળનારા કેદીઓને અન્ય કેદીઓથી અલગ રાખવામાં આવ્યા છે. કહેવાય છે કે, લગભગ 200 કેદીઓની તપાસ થઈ હતી. જેમાંથી 26 નો રિપોર્ટ પોઝિટિવ આવ્યા છે. તો વળી 70 મહિલા કેદીઓના ટેસ્ટ થવાના બાકી છે.
પોઝિટિવ મળેલા કેદીઓને લખનઉની લોહિયા હોસ્પિટલમાં સારવાર ચાલી રહી છે. આ જિલ્લાની જેલમાં કુલ 3300 કેદી છે. આ મામલામાં જેલર આલોકે કહ્યું કે, રૂટીન તપાસમાં 26 કેદી એચઆઈવી મળ્યા છે. તેમની સારવાર ચાલી રહી છે.