ગણેશ ચતુર્થીના અવસર પર 'RRR'નો ક્રેઝ પણ જોવા મળી રહ્યો છે. બાપ્પાનો રામ ચરણના લુક વાયરલ થઈ રહ્યો છે.
ગણેશ ચતુર્થી પર ફિલ્મ 'RRR'નો ક્રેઝ
રામ ચરણના લુકમાં વાયરલ થયા ગણેશજીના ફોટો
RRRના લુકમાં જોવા મળ્યા ગણપતિ બાપ્પા
એસએસ રાજામૌલીના નિર્દેશનમાં આ વર્ષે રિલીઝ થયેલી ફિલ્મ 'RRR'ને લોકોએ ખૂબ પસંદ કરી હતી. આ ફિલ્મે બોક્સ ઓફિસ પર કમાણીનાં ઘણા રેકોર્ડ તોડ્યા હતા. વિશ્વભરમાં 1200 કરોડથી વધુની કમાણી સાથે, તે વર્ષ 2022ની સૌથી વધુ કમાણી કરનાર ભારતીય ફિલ્મોની યાદીમાં સામેલ થઈ ગઈ છે. ફિલ્મ રિલીઝ થયાને 5 મહિનાથી વધુ સમય થઈ ગયો છે અને હજુ તેનો જલવો યથાવત છે. ત્યાં જ ગણેશ ચતુર્થીના અવસર પર આરઆરઆરનો ક્રેઝ જોવા મળી રહ્યો છે.
RRRના લુકમાં જોવા મળ્યા ગણપતિ બાપ્પા
દેશભરમાં ગણેશ ચતુર્થીના તહેવારની ઉજવણી કરવામાં આવી રહી છે. આવી સ્થિતિમાં બાપ્પાની અલગ-અલગ ડિઝાઇનની મૂર્તિઓ જોવા મળી રહી છે. સાથે જ બાપ્પા ફિલ્મી લુકમાં પણ જોવા મળી રહ્યા છે. હાલમાં જ સોશિયલ મીડિયા પર કેટલીક તસવીરો સામે આવી છે.
— Ram Charan Die hard fan from Nellore 🔥 (@RamRcdhf) August 28, 2022
જેમાં બાપ્પાનો લૂક 'RRR'માં બતાવવામાં આવેલા રામ ચરણ જેવો દેખાય છે. આવી ઘણી તસવીરો સામે આવી છે, જેમાં બાપ્પા રામ ચરણના અલગ-અલગ લુકમાં જોવા મળી રહ્યા છે.
આ પહેલા પુષ્પાનો લુક થયો હતો વાયરલ
મહત્વનું છે કે આ પહેલા બાપ્પાને પણ પુષ્પાના રંગમાં રંગવામાં આવ્યા હતા. કેટલીક તસવીરો સામે આવી હતી, જેમાં બાપ્પાનો લુક વર્ષ 2021માં આવેલી ફિલ્મ 'પુષ્પા'ના અલ્લુ અર્જુન જેવો હતો.