અસ્મિતા / અંબાજીના દાંતામાં આખુ નગર દટાયુ હોવાની આશંકા, મળી આવી 822 વર્ષ જૂની મૂર્તિઓ

• દાંતાના દીવડી ગામે 822 વર્ષ જૂની મૂર્તિ મળી આવી
• સાડા ચાર ફૂટની 2 જૈન મૂર્તિ મળી આવી
• જૂની ઈંટો, જિનાલયના તૂટેલા ઘુમ્મટ મળી આવ્યા

દાંતાના દીવડી ગામે 822 વર્ષ જૂની મૂર્તિ મળી આવતા સ્થાનિકો સહિતના લોકોમાં કૂતુહલ જોવા મળી રહ્યું છે. સાડા ચાર ફૂટની 2 જૈન મૂર્તિ મળી આવી છે. જૂની ઈંટો, જિનાલયના તૂટેલા ઘુમ્મટ મળી આવ્યા છે. જમીન સમતળની કામગીરી વખતે અવશેષો મળી આવ્યા છે. પુરાતત્વ વિભાગે  તપાસ હાથ ધરી છે. 

સં.1254 એટલે કે 822 વર્ષ જૂની હોવા સાથે શ્વેતામ્બર જૈન ભગવાનની મૂર્તિ હોવાનું મનાઈ રહ્યું છે

શુક્રવારની સાંજે જૈન સંપ્રદાયની વિવિધ સાડા ચાર ફૂટ જેટલી લાંબી મૂર્તિઓ સહિત જૂની ઈંટો, જિનાલયના તૂટેલા ઘુમ્મ્ટ સહિતના અવશેષો મળી આવ્યા હતા. જો કે,આ મૂર્તિઓની બારીકાઇથી નિરીક્ષણ કરતા સં.1254 એટલે કે 822 વર્ષ જૂની હોવા સાથે શ્વેતામ્બર જૈન ભગવાનની મૂર્તિ હોવાનું મનાઈ રહ્યું છે. હાલ દાંતા મામલતદાર કચેરીએ થતા મામલતદાર કચેરીના કર્મચારીઓ દ્વારા સ્થળ સ્થિતિનું રોજકામ કરી મૂર્તિઓને વશી ગ્રામ પંચાયતના સરપંચ સરદારભાઈ ડૂંગાઈસાને સુરક્ષિત રાખવા પંચાયત ઘરમાં મુકવામાં આવી છે.

ઘોડિયાળ ગામ માર્ગના ગણછેરા સહિતના ગામોમાં પણ આજે પણ પ્રાચીન અવશેષો વેર-વિખેર પાડેલા જોવા મળી રહ્યા છે

લોકવાયકા મુજબ અહીંનું ચામુંડા માતાનું મંદિર અતિ પ્રાચીન છે. જેનો જીર્ણોધ્ધાર પણ તત્કાલીન મહારાણા ભવાનીસિંહજીએ આજથી 90 વર્ષ પૂર્વે કરાયો હતો. તો બીજી તરફ વૃદ્ધોની વાયકા મુજબ વશી ગામની સીમાડેથી વાંદરું ચઢતું જે સીસરાના ઘોડીયાળ જઇ ઉતારતું. ત્યારે પૌરાણિક એવું આ નગર કેટલું મોટું હશે, જે કાળક્રમે ધરતીમાં સમાઇ ગયું હશે. જેની સાક્ષી સ્વરૂપ ગામના સર્વે નંબર-137થી માંડી ઘોડિયાળ ગામ માર્ગના ગણછેરા સહિતના ગામોમાં પણ આજે પણ પ્રાચીન અવશેષો વેર-વિખેર પાડેલા જોવા મળી રહ્યા છે.