દેશભરમાં નવરાત્રિની સાથે તહેવારોની સિઝનનો પ્રારંભ થયો છે. આ દરમ્યાન કેટલાંક દિવસ બેંકોમાં સામાન્ય કામકાજ રહેશે નહીં. રિઝર્વ બેન્ક ઓફ ઈન્ડિયાની વેબસાઈટ મુજબ, દેશભરમાં 13 દિવસ બેંકો બંધ રહેશે. જોકે, આ 13 રજા અલગ-અલગ રાજ્યોમાં આપવામાં આવશે.
નવરાત્રિની સાથે તહેવારોની સિઝનનો પ્રારંભ
આખા દેશમાં 13 દિવસ બેંકો રહેશે બંધ
13 રજા અલગ-અલગ રાજ્યોમાં આપવામાં આવશે
દેશભરમાં બેંકો 13 દિવસ બંધ રહેશે
જો તમારે પણ પોતાના બેંકની બ્રાન્ચમાં જઇને કોઈ કામ કરાવવાનુ છે તો ઘરમાંથી નિકળતા પહેલાં રજાનું આખુ લીસ્ટ જોઈ લો. જેના કારણે તમે મોટી મુશ્કેલીમાંથી બચી જશો. ઓક્ટોબર મહિનામાં દેશમાં દરેક જગ્યાએ બેંકો 13 દિવસ બંધ રહેશે એવુ નથી. ઓક્ટોબર મહિનામાં પડી રહેલી રજા, તહેવાર કોઈ રાજ્ય અથવા પ્રદેશ સાથે સંબંધીત છે. તેથી બેંકોની રજા અલગ-અલગ રાજ્યોના હિસાબ મુજબ અલગ-અલગ હોઇ શકે છે.
ઉલ્લેખનીય છે કે, બીજો શનિવાર હોવાના કારણે 9 ઓક્ટોબરે દેશભરની બેંકોમાં કામકાજ થશે નહીં. રવિવારે રજાના કારણે 10 ઓક્ટોબરે આખા દેશની બેંકો બંધ રહેશે.