તમારા કામનું / આજથી જ પતાવી લો બધા જરૂરી કામ! ડિસેમ્બરમાં કુલ 13 દિવસ બંધ રહેશે બેંકો, જાણો તમારા શહેરની હોલિ ડે લિસ્ટ

• ડિસેમ્બરમાં કુલ 13 દિવસ બંધ રહેશે બેંકો 
• પતાવી લેજો તમારા જરૂરી કામ 
• નહીં તો ખાવા પડશે ધક્કા 

ડિસેમ્બર સાથે આ વર્ષ પૂરું થશે. દર મહિનાની જેમ ભારતીય રિઝર્વ બેંક (RBI) દ્વારા ડિસેમ્બરની રજાઓની યાદી બહાર પાડવામાં આવી છે. નવા વર્ષની ઉજવણી સાથે, નાતાલ વગેરે જેવા તમામ તહેવારોના કારણે બેંકો બંધ રહેશે. જો તમારી પાસે ડિસેમ્બરમાં બેંક સાથે સંબંધિત કોઈ મહત્વપૂર્ણ કામ છે તો તેના માટે અગાઉથી બધી તૈયારી કરી લો. ડિસેમ્બર મહિનામાં કુલ 13 બેંક હોલિ ડે છે. 

ડિસેમ્બરમાં પહેલી રહેજા 3 ડિસેમ્બરે 
13-દિવસની રજાઓમાં દર મહિનાની જેમ શનિવાર અને રવિવારનો સમાવેશ થાય છે. આરબીઆઈ દ્વારા જારી કરવામાં આવેલી ગાઈડલાઈન અનુસાર તમામ જાહેર રજાઓના દિવસે બેંકો બંધ રહેશે. જોકે આ રજાઓ ઘણી વખત ક્ષેત્ર વિશેષના હિસાબથી હોય છે. પ્રાદેશિક રજાઓ સંબંધિત રાજ્ય સરકાર દ્વારા નક્કી કરવામાં આવે છે. ડિસેમ્બરમાં પ્રથમ રજા 3જી ડિસેમ્બરે રહેશે.

19મીએ ગોવા લિબ્રેશન ડેની રજા
3 ડિસેમ્બર પછી 4 ડિસેમ્બરે રવિવારની રજા છે. 10 અને 11 ડિસેમ્બરે મહિનાના બીજા શનિવારના કારણે બેંક બે દિવસ બંધ રહેશે. આ પછી 12 ડિસેમ્બરે પણ દેશના કેટલાક ભાગોમાં બેંકો બંધ રહેશે. 18મી ડિસેમ્બર રવિવાર છે અને 19મીએ ગોવા લિબ્રેશન દિવસ છે. 24મી, 25મી અને 26મી ડિસેમ્બર એ ક્રિસમસના કારણે ક્ષેત્ર વિશેષ રજાઓ છે. 

આ પછી 29, 30 અને 31 ડિસેમ્બરે બેંકો સતત ત્રણ દિવસ બંધ રહેશે. 29મીએ ગુરુ ગોવિંદ સિંહના જન્મદિવસે, 30મીએ યુ કિઆંગ નાંગબાહ અને 31મીએ નવા વર્ષની પૂર્વસંધ્યાએ બેંકો બંધ રહેશે.

ડિસેમ્બરમાં બેંક રજાઓની યાદી

• 3 ડિસેમ્બર, 2022- ગુરુવાર, સેન્ટ ફ્રાન્સિસ ઝેવિયરનું પર્વ, પણજી (ગોવા)
• 4મી ડિસેમ્બર 2022- રવિવાર, સાપ્તાહિક રજા, સમગ્ર દેશમાં
• 10 ડિસેમ્બર, 2022- શનિવાર, મહિનાનો બીજો શનિવાર, દેશભરમાં રજા
• 11મી ડિસેમ્બર 2022-રવિવાર, સાપ્તાહિક રજા, દેશભરમાં રજા 
• 12 ડિસેમ્બર 2022-સોમવાર, પા-તોગન નેંગમિન્જા સંગમા, શિલોંગમાં રજા
• 18મી ડિસેમ્બર 2022-રવિવાર, સાપ્તાહિક રજા, સમગ્ર દેશમાં
• 19 ડિસેમ્બર 2022-સોમવાર, ગોવા મુક્તિ દિવસ, પણજી (ગોવા)
• 24 ડિસેમ્બર 2022-શનિવાર, મહિનાનો ચોથો શનિવાર, દેશભરમાં રજા
• 25મી ડિસેમ્બર 2022-રવિવાર, સાપ્તાહિક રજા/ક્રિસમસ, આખા દેશમાં રજા
• 26 ડિસેમ્બર 2022-સોમવાર, લોસુંગ / નમસંગ, આઈઝોલ, ગંગટોક, શિલોંગ
• 29 ડિસેમ્બર 2022-ગુરુવાર, ગુરુ ગોવિંદ સિંહનો જન્મદિવસ, ચંદીગઢ
• 30 ડિસેમ્બર 2022-શુક્રવાર, યુ કિઆંગ નાંગબાહ,શિલોંગમાં રજા
• 31 ડિસેમ્બર 2022-શનિવાર, નવા વર્ષની પૂર્વસંધ્યાએ, દેશના વિવિધ ભાગોમાં રજા