નવા વર્ષની શરૂઆત થઈ ચૂકી છે ત્યારે પહેલાં દિવસે એટલે કે 1 જાન્યુઆરી 2020ના રોજ બેંક બંધ રહી હતી. આ સાથે આ મહિનાની વાત કરીએ તો બેંક કુલ 10 દિવસ બંધ રહેશે. એવામાં તમે તમારા કામ વેળાસર પતાવી લો તે જરૂરી છે. આવું છે જાન્યુઆરી મહિનાનું બેંકનું રજાઓનું લિસ્ટ.
દેશભરમાં જાન્યુઆરીમાં 10 દિવસ બેંકો બંધ
રજાઓના આધારે પતાવી લો તમારા કામ
જાણી લો ગુજરાતમાં બેંકની રજાઓની તારીખ
2 જાન્યુઆરીએ એટલે કે આજે પણ ગુરુ ગોવિંદ સિંહની જયંતીના કારણે પંજાબમાં મોટાભાગની બેંકો બંધ છે. તો ન્યૂ યર સેલિબ્રેશનના કારણે પણ આઈઝોલમાં બેંકોનું કામકાજ બંધ રાખવામાં આવ્યું છે.
7 અને 8 જાન્યુઆરીએ પણ ઈમ્ફાલમાં બેંકો બંધ રહેશે. આ સિવાય બેંકિંગ ક્ષેત્રના પ્રમુખ યુનિયનોએ 8 જાન્યુઆરી 2020ના રોજ કેન્દ્રીય ટ્રેડ યુનિયન દ્વારા આયોજિત હડતાળમાં ભાગ લેવા માટે પણ બેંકો બંધ રાખવાનો નિર્ણય લીધો છે. જેના કારણે પણ સામાન્ય જનતાને મુશ્કેલી પડી શકે છે.
14 જાન્યુઆરીએ ગુજરાતમાં ઉત્તરાયણનો તહેવાર હોવાના કારણે બેંકો બંધ રહેશે. 15 જાન્યુઆરીએ બેંગુલુરુ, ચેન્નઈ, ગુવાહાટી, હૈદરાબાદ, આંધ્રપ્રદેશ, કર્ણાટક, તેલંગાણા અને આસામમાં તુસુપૂજા અને માઘ બીહૂ સાથે પોંગલની ઉજવણીના કારણે બેંક બંધ રહેશે. એવામાં રાજ્યોમાં બેંકનું કામકાજ ખોરવાઈ શકે છે.
16 જાન્યુઆરીએ તિરુવલ્લૂવર ડેની ઉજવણીના કારણે આંધ્રપ્રદેશ, પોંડિચેરી અને તમિલનાડુમાં મોટા ભાગની બેંક બંધ રહેશે. જેના કારણે 17 જાન્યુઆરીએ પણ બેંકના કામકાજ પર પણ અસર પડશે.
23 જાન્યુઆરીએ સુભાષચંદ્ર બોઝની જયંતીના કારણે કોલકત્તાની બેંકો બંધ રહેશે. 26 જાન્યુઆરીએ ગણતંત્ર દિવસ હોવાના કારણે અને 30 જાન્યુઆરીએ વસંત પંચમીના કારણે દેશભરની બેંકોમાં રજા રહેશે.
વધુ વિગત માટે ક્લિક કરો
https://www.rbi.org.in/Scripts/HolidayMatrixDisplay.aspx