સામાન્ય માણસ હોય કે અમિર બેઁકની જરૂર તેને પડવાની જ છે, પૈસાની લેવડ દેવડ હોય કે લોનનું કામ બેઁકમાં જવુ જ પડે પરંતુ આ નવેમ્બરમાં બેઁકમાં જાઓ તો ધ્યાન રાખજો બેઁક ચાલુ છે કે બંધ.
નવેમ્બર મહિનામાં બેઁક રહેશે રજા પર
દેશમાં નવેમ્બર મહિનામાં બેઁક હોલિડેઝ વધુ
તમારા કામ બેઁક હોલીડે પ્રમાણે ગોઠવજો
સમગ્ર દેશમાં અલગ અલગ જગ્યાએ અલગ અલગ તહેવાર હોય છે, એટલે રાજ્યો પ્રમાણે રજાઓ ગોઠવવામાં આવી છે. જ્યારે ગુજરાતમાં 14 તારીખથી 16 તારીખ સુધી તમામ બેઁકમાં રજા રહેશે. જેથી તમારુ કોઇ કામ હોય તો આ રજાઓને ધ્યાનમાં રાખજો
નવેમ્બર2020માં તહેવારો હોવાથી વધુ પડતી રજાઓ આવશે જેના કારણે કદાચ તમારા બેંકના કામમાં વિલંબ થાય કે અટકી જાય. જેથી બેંકની રજાઓના લિસ્ટ પ્રમાણે બેંક સંબંધિત કાર્યોનું આયોજન કરજો.
શનિવાર અને રવિવાર સિવાય દશેરા અને દિવાળી જેવા તહેવાર પર પણ બેંકમાં રજા રહેશે. દેશના વિવિધ રાજ્યોમાં આગામી દિવસોમાં ઘણા તહેવારો આવવાના છે. તેની ઉજવણી કરવા માટે નવેમ્બર મહિનામાં થોડી વધારે રજાઓ આપવામાં આવી છે.
નોંધનીય છે કે, કેન્દ્ર સરકારની રજાઓ તમામ બેંકને લાગૂ પડે છે. સરકારી કે ખાનગી કોઇ પણ પ્રકારની બેંકને આ રજાઓ લાગૂ પડે છે માટે ગ્રાહકોએ બેંકની રજા અનુસાર પોતાના કાર્યોનુ આયોજન કરવાનું રહેશે.