સુવિધા / હોમ લોનના હપ્તાને લઈને આવી શકે છે મોટી ખુશખબર, બેંકો કરી રહી છે આ વિચારણા

• બેંકો હવે હોમ લોનને રીસ્ટ્રક્ચર કરવા અંગે વિચારણા કરી રહી છે
• કોરોનાને કારણે નોકરીનું સંકટ સર્જાયું છે એવા લોકોને મળશે સુવિધા
• કેટલાક હપ્તાને આગળ લંબાવી દેવા અંગે પણ વિચારણા કરાઈ રહી છે

આ સુવિધા એ કિસ્સાઓમાં ઉપલબ્ધ થશે જેમાં કોરોનાને કારણે નોકરીનું સંકટ સર્જાયું છે, અથવા પગારમાં ઘટાડો થયો છે. સૂત્રોના જણાવ્યા અનુસાર, કેવી કામત સમિતિ રિટેલ અને હોમ લોન રિસ્ટ્રક્ચરિંગ પર ધ્યાન આપશે નહીં. મુશ્કેલીમાં ઉધાર લેનારાઓની સંખ્યાના આધારે, બેંકો જાતે જ એક પ્રસ્તાવ તૈયાર કરશે, જેને તેઓ આવતા મહિને તેમના બોર્ડમાં મોકલશે.

બેંકો પોતે પણ લોન રીસ્ટ્રક્ચર કરવા માંગે છે, જેથી ડિફોલ્ટર્સ વધે નહીં અને બેંકની એનપીએ એટલે કે નોન-પરફોર્મિંગ એસેટ પણ વધે નહીં. એટલું જ નહીં, બેંકોએમ પણ કહે છે કે, ગેરવસૂલીકરણ અને મિલકત સીલ કરવા માટે આ સમય યોગ્ય નથી. જોકે, ભારતીય રિઝર્વ બેંકે તમામ બેંકોને લોનની મર્યાદા બે વર્ષ સુધી વધારવાની મંજૂરી આપી છે, તેમ છતાં બેંકરો કહે છે કે તેઓ 2 વર્ષની મોરટોરિયમ આપી શકતા નથી. 

મોરટોરિયમથી થઈ રહ્યું છે આ નુકસાન

જો કોઈએ 15 વર્ષની હોમ લોન લીધી હોય અને રિઝર્વ બેંક ઓફ ઇન્ડિયાની મોરટોરિયમ સુવિધાનો ઉપયોગ કર્યો હોય, તો તેની લોન આપમેળે 14 મહિના માટે વધી જશે. આ કિસ્સામાં કેટલીક ઇએમઆઈ વધારવાની વાત કરીએ, તો મોટાભાગની બેંકો આવું કરશે, પરંતુ ગ્રાહકોને મળતી રાહત તેના પર નિર્ભર કરશે કે, તેઓ કેટલું વ્યાજ ચૂકવે છે. હોમ લોનના દર 7 ટકાથી નીચે આવી ગયા છે અને આવી સ્થિતિમાં બેંકો કહે છે કે લોન રીસ્ટ્રક્ચર કરીને શ્રેષ્ઠ વ્યાજદર આપવું શક્ય નહીં બને. આ કરવા માટે, રીસ્ટ્રક્ચર લોન પર 10 ટકાની વધારાની જોગવાઈ કરવામાં આવશે, જેનાથી બેંકની બેસિક કોસ્ટ લગભગ 30 બેસિસ પોઇન્ટ સુધી વધી જશે.