હવે જો તમે વેક્સિન લગાવી લીધી છે અને તમારું આ બે બેન્કમાં અકાઉન્ટ છે તો તમને મળી શકે છે આ લાભ
ગ્રાહકોનો ઉત્સાહ વધારવા માટે ઘણી બેન્કો હવે આકર્ષક ઓફરો લાવી રહી છે
UCOએ સોમવારે પોતાની યોજના UCOVAXI-999 ની ઘોષણા કરી
સેન્ટ્રલ બેન્ક ઓફ ઈન્ડિયા દ્વારા પણ આ યોજના શરૂ કરવામાં આવી છે
ગ્રાહકોનો ઉત્સાહ વધારવા માટે ઘણી બેન્કો હવે આકર્ષક ઓફરો લાવી રહી છે
વેક્સિનને લઈ પોતાના ગ્રાહકોનો ઉત્સાહ વધારવા માટે ઘણી બેન્કો હવે આકર્ષક ઓફરો લાવી રહી છે. ભારતની એવી બે બેન્ક છે જે તમને ફિક્સ્ડ ડિપોઝિટ પર વધારે વ્યાજ આપશે, પણ શરત એ છે કે તમે વેક્સિન લઈ લીધી હોય. સરળ ભાષામાં સમજીએ તો વેક્સિન લેવાથી કોરોનાથી સુરક્ષા મળશે અને બીજી બાજુ તમારી સેવિંગ્સમાં વધારો થશે. આ બંને બેન્કો સરકારી છે. જેમણે જાહેરાત કરી છે કે અમે એવા ગ્રાહકોની FDપર વધુ વ્યાજ આપીશું જેમણે કોરોના સામે રક્ષણ આપતી વેક્સિન લઈ લીધી છે.
UCOએ સોમવારે પોતાની યોજના UCOVAXI-999 ની ઘોષણા કરી
સરકારી બેન્ક UCOએ સોમવારે પોતાની યોજના UCOVAXI-999 ની ઘોષણા કરી. આ યોજના અંતર્ગત આ બેન્ક તેમના FD ધારકોને વ્યાજદરમાં 30 બેઝીસ પોઈન્ટ એટલે કે 0.30 ટકા વધુ વ્યાજ આપશે. આ યોજના માત્ર અમુક સમય સુધી જ લાગુ પડશે. બેન્ક અધિકારીએ કહ્યું કે સરકારની વેકસીનેશન ડ્રાઈવને વધુ આગળ લઈ જવા માટે આ પગલું લેવામાં આવ્યું છે. UCOVAXI-999 યોજના હેઠળ ગ્રાહકોને વધુ વ્યાજ આપવામાં આવશે. આ યોજના 30 સપ્ટેમ્બર સુધી લાગુ રહેશે.
સેન્ટ્રલ બેન્ક ઓફ ઈન્ડિયા દ્વારા પણ આ યોજના શરૂ કરવામાં આવી છે
યુકો બેન્ક ઉપરાંત સેન્ટ્રલ બેન્ક ઓફ ઈન્ડિયા દ્વારા પણ આ યોજના શરૂ કરવામાં આવી છે. આ સરકારી બેન્ક દ્વારા એપ્રિલમાં જ 'Immune India Deposit Scheme' ની ઘોષણા કરવામાં આવી હતી. આ યોજના અંતર્ગત જે ગ્રાહકોએ વેક્સિન લઈ લીધી છે તે લોકોને FD પર 0.25 ટકા વધુ વ્યાજ મળશે. આ જાણકારી તેમણે એપ્રિલ મહિનામાં જ આપી દીધી હતી. તેમની આ યોજના 1111 દિવસ સુધી શરૂ રહેશે. વધુમાં ખાસ વાત એ છે કે વરિષ્ઠ નાગરિકોને બીજા વધુ લાભ આપવામાં આવે છે.
To encourage Vaccination under COVID 19, Central Bank of India launches Special Deposit Product “Immune India Deposit Scheme” for 1111 days at an attractive extra Interest rate of 25 basis points above the applicable card rate for Citizens who got Vaccinated.#Unite2FightCoronapic.twitter.com/MKEJaHgMpE
— Central Bank of India (@centralbank_in) April 12, 2021