છેલ્લા એક વર્ષથી સંકટમાં ચાલી રહેલી ઈન્ડિયાબુલ્સ ગ્રુપમાં બેંકોના આશરે 27 હજાર 580 કરોડ રૂપિયા ફસાયા છે. જે લોન અને નોન કનવર્ટેબલ ડિબેન્ચરના રૂપમાં છે. ઈન્ડિયા બુલ્સના પ્રમોટર નાણાકીય અનિયમિતતાના આરોપોનો સામનો કરી રહ્યા છે. સૌથી વધુ રૂપિયા ભારતીય સ્ટેટ બેંકના છે જેના 8 હજાર 100 કરોડ રૂપિયા દાવ પર લાગ્યા છે.
છેલ્લા એક વર્ષથી સંકટમાં છે ઇન્ડિયાબુલ્સ સમૂહ
બેંકોએ આ સમૂહને આપ્યા છે 27,580 કરોડની લોન
યસ બેંકના 6,040 કરોડ રૂપિયા દાવ પર
સૌથી વધારે SBIના 8,100 કરોડ રૂપિયા ફસાયા
સંકટમાં ચાલી રહેલી યસ બેંકના પણ તેમાં 6 હજાર 40 કરોડ રૂપિયા દાવ પર લાગ્યા છે. ઈન્ડિયાબુલ્સે જો નાદારી જાહેર કરી તો સૌથી વધુ જોખમ યસ બેંક માટે હશે.
ઈન્ડિયાબુલ્સમાં મુખ્ય કંપની ઈન્ડિયાબુલ્સ હાઉસિંગ ફાયનાન્સ (IHFL), જે 100 ટકા સબ્સિડિયરી ઈન્ડિયાબુલ્સ કમર્શિયલ ક્રેડિટ (ICCL) અને ઈન્ડિયાબુલ્સ કન્ઝ્યુમર ફાયનાન્સ (ICFL)સામેલ છે. મેકક્વાયર રિસર્ચના એક રિપોર્ટ મુજબ સ્ટેટ બેંક બાદ તેમાં બેંક ઓફ બરોડા (વિજયા બેંક અને દેવા બેંક સહિત)ના 6 હજાર 460 કરોડ અને યસ બેંકના 6 હજાર 40 કરોડ રૂપિયા ફસાયા છે.
શું છે યસ બેંક માટે વધારે જોખમ
યસ બેંકનું કુલ નેટવર્થને 1/4 ઇન્ડિયાબુલ્સ સમૂહમાં ફસાયેલું છે. યસ બેંકનું કુલ નેટવર્થ આશરે 27000 કરોડ રૂપિયા છે. એટલે કે ઇન્ડિયાબુલ્સે જો નાદારી જાહેર કરી તો સૌથી વધારે જોખમ યશ બેંક માટે જ છે. ત્યારબાદ બેંક ઓફ બરોડાના નેટવર્થનો 10 ટકા ભાગ ઇન્ડિયાબુલ્સને આપવામાં આવ્યો છે.
ઇન્ડસઇન્ડ બેંકના ઇન્ડિયાબુલ્સ સમૂહને 3,080 કરોડ રૂપિયા અને એચડીએફસી બેંકે 1,650 કરોડ રૂપિયા આપી રાખ્યા છે. જો કે આ બંને બેંકોનો કેટલોક ભાગ પાછો પણ મળી ચુક્યો છે.
એક વર્ષથી ચાલી રહ્યું છે સંકટ
છેલ્લા એક વર્ષથી સંકટ સામે ઝઝુમી રહેલા ઈન્ડિયાબુલ્સે પોતાની મોટાભાગની ઓફિસ અસેટ પ્રાઈવેટ ઈક્વિટી દિગ્ગજ બ્લેકસ્ટોનને વેચી દીધી છે. માર્ચમાં ઈન્ડિયાબુલ્સે મુંબઈ અને ગુરુગ્રામમાં પોતાની બે કર્મશિયલ પ્રોપર્ટી 4 હજાર 750 કરોડ રૂપિયામાં બ્લેકસ્ટોનને વેચી હતી. ઇન્ડિયાબૂલ્સને લક્ષ્મી વિલાસ બેંકમાં વિલય કરવાની યોજના પમ છે.
આ છે આરોપ
દિલ્હી હાઈકોર્ટમાં દાખલ એક અરજીમાં આરોપ લગાવ્યો છે કે ચેરમેન સમીર ગેહલોત સહિત ઈન્ડિયાબુલ્સના પ્રમોટરે ગ્રુપની કંપનીઓના ફંડ પોતાના ખાતામાં ટ્રાન્સફર કરી લીધા, 30 સપ્ટેમ્બરે ઈન્ડિયાબુલ્સ હાઉસિંગ ફાયનાન્સના શેરમાં 34 ટકાનો ઘટાડો થયો હતો. છેલ્લા એક વર્ષમાં શેર 70 ટકા સુધી તૂટ્યો છે.