બેંક વધારી રહી છે વ્યાજ દર મોંઘુ થઇ જશે ઘર અને ગાડીઓ ખરીદવી

જો તમે હોમ લોન કે કાર લોન લેવાનું વિચારી રહ્યા છો તો આ માહિતી તમારા માટે છે કારણ કે તમારા માટે એ જાણવું ખૂબ જ જરૂરી છે આવાનાર મહિનામાં હોમ અને કાર લોન મોંઘી થઇ શકે છે. કેટલીક બેંકોએ બેઝ રેટ વધારવાની શરૂઆત કરી દીધી છે અને આવનારા દિવસોમાં અન્ય બેંકો પણ આવું કરી શકે છે. 

એક્સિસ બેંક કોટક મહિન્દ્રા બેંક ઇન્ડસઇન્ડ બેંક અને યસ બેંક જેવી પ્રાઇવેટ સેક્ટરની બેંકોએ જાન્યુઆરીથી પોતાના બેંચમાર્ક માર્જિનલ કોસ્ટ ઓફ ફંડ્સ બેસ્ડ લેંડિંગ રેટ 5 થી 10 બેસિસ પોઇન્ટ વધારી દીધો છે. એક બેસિસ પોઇન્ટ 0.01 ટકા પોઇન્ટ હોય છે. 



બેંકોએ એપ્રિલ 2016માં નવા MCLR સિસ્ટમને અપનાવ્યા બાદ પહેલી વખત રેટ વધાર્યો છે. બેંકોનું કહેવું છે કે એનું કારણ છેલ્લા કેટલાક સમયમાં ડિપોઝીટ પર બેંકોની ચુકવણી વધવી છે. શોર્ટ ટર્મમાં રેટ્સમાં તેજી જારી રહી શકે છે. 

મળતી માહિતી અનુસાર સર્ટિફિકેટ ઓફ ડિપોઝીટ રેટ્સ દરેક સમયગાળા માટે 50 બેસિસ પોઇન્ટ સુધી વધ્યા છે. RBIએ પહેલાજ રેટ્સમાં ઘટાડો નહીં થવાનો સંકેત આપ્યો છે અને એવું લાગે છે કે બેંક લેન્ડિંગ રેટ્સ પણ અહીંથી નીચે જવાની શક્યતા ઓછી છે.



બેંકોની પાસે mCLR હેઠળ સાત વિવિધ સમયગાળા છે. ઓવરનાઇટ એક મહિનો ત્રણ મહિનો છ મહિના એક વર્ષ બે વર્ષ ત્રણ વર્ષ. આ પહેલા ઇન્ફ્લેશન વધીને સાત મહિનાના ઉચ્ચ સ્તર સુધી પહોંચી ગઇ હતી. 

યસ બેંકઅને ઇન્ડસઇન્ડ બેંકે જાન્યુઆરીથી ગરેક સમયગાળા માટે MCLR રેટ 10 બેસિસ પોઇન્ટ સુધી વધારવાની જાહેરાત કરી છે. બેંકો અનુસાર એમના ડિપોઝીટ રેટ વધી ગયા છે અને આ કારણથી અમારે લેન્ડિંગ રેટમાં ફેરફાર કરવો પડ્યો છે.