અસર / મે મહિનામાં અલગ અલગ દિવસો પર એમ 13 દિવસ બંધ રહેશે બેંક

જો તમારે બેંકનું કોઈ પણ કાર્ય કરવું હોય તો તમારા માટે આ સમાચાર ખૂબ જ મહત્વપૂર્ણ છે. આવું એટલા માટે કારણ કે આરબીઆઇની વેબસાઇટ પરથી પ્રાપ્ત જાણકારી અનુસાર મે મહિનામાં એક બે દિવસ નહીં પરંતુ અલગ અલગ રાજ્યોમાં જુદા-જુદા પ્રસંગે 13 દિવસ બંધ રહેશે. એટલા માટે જો બેંકથી કોઇ પણ કાર્ય બાકી છે તો તેને તે પ્રમાણે પૂર્ણ કરી લો, ચલો તો જાણીમે મહિનામાં કયા દિવસે બેંક બંધ રહેશે. જો કે આ રજાઓની યાદીમાં ગુજરાતમાં શનિ-રવિની જે રજાઓ હોય છે તેના સિવાયની કોઈ રજા નહીં હોય.

આ દિવસે બંધ રહેશે બેંક 

1 મે- મહારાષ્ટ્ર દિવસ

આ દિવસે મહારાષ્ટ્ર, કર્ણાટક, તમિલનાડુ, આસામ, નાગાલેન્ડ, અરૂણાચલ પ્રદેશ, તેલંગણા, આંધ્રપ્રદેશ, મણિપુર, કેરળ, પ.બંગાળ, ગોવા, બિહાર અને ઝારખંડમાં રજા રહેશે. 

6 મે - ઝારખંડ

7 મે - બસાવા જયંતિ નિમિત્તે કર્ણાટકમાં રજા હશે

9 મે- રવિન્દ્રનાથ ટાગોર જ્યંતિ નિમિત્તે પ.બંગાળમાં રજા રહેશે.

ત્યારબાદ 11 અને 12 મે મહિનાનો બીજો શનિવાર અને રવિવાર છે એટલા માટે 11 અને 12 એ પણ બેંક બંધ રહેશે. 

16 મે

સ્ટડી ડે ને કારણે અરૂણાચલ પ્રદેશમાં બેંક બંધ રહેશે.

18 મે - બુદ્ધપૂર્ણિમા

બુદ્ધપૂર્ણિમા પ્રસંગે મહારાષ્ટ્ર, મધ્યપ્રદેશ, ઉત્તરાખંડ, જમ્મૂ અને કાશ્મીર, ઉત્તર પ્રદેશ, પ.બંગાળ, નવી દિલ્હી, છત્તીસગઢ, ઝારખંડ અને હિમાચલ પ્રદેશમાં રજા રહેશે. 

19 મે - રવિવારની રજા

25-26 મે

આ રીતે 25 અને 26 મે મહિનાનો ચોથો શનિવાર અને રવિવાર છે એટલે એ દિવસે પણ બેંક બંધ છે. 

31 મે

ત્યારબાદ મહિનાના છેલ્લા દિવસે એટલે કે 31 મે જુમા અલવેદા છે એટલે જમ્મુ-કાશ્મીરમાં  બેંક બંધ રહેશે.