તૈયારી / અમદાવાદની આ કંપની ખરીદવાની તૈયારીમાં અંબાણી, એક સમયે આખા વિશ્વમાં હતી જાણીતી, આજે છે નાદાર

• નાદાર સિન્ટેક્સ ઇન્ડસ્ટ્રીઝને ખરીદવામાં રિલાયન્સને રસ
• સિન્ટેક્સ પર 27 ક્રેડિટરના કુલ રૂ. 7,534 કરોડના ક્લેઇમ
• ત્રણ બેન્કોએ સિન્ટેક્સના એકાઉન્ટે ફ્રોડ જાહેર કર્યું છે

કંપનીએ Assets Care & Reconstruction Enterprise Ltd એટલે કે ACRE સાથે મળીને તેના માટે ઈઓઆઈ(expressions of interest) સબમિટ કર્યા છે. સૂત્રો દ્વારા આ જાણકારી આપવામાં આવી છે. ACREમાં ઓલ્ટરનેટિવ ઈન્વેસ્ટમેન્ટ મેનેજર Ares SSG Capitalની મેજોરીટી ભાગીદારી છે. 

અન્ય રોકાણકારોએ પણ દાખવી છે દિલચસ્પી 

ઉલ્લેખનીય છે કે, રિલાયન્સ સિવાય Varde Capitalના રોકાણ વાળી Aditya Birla Asset Reconstruction Company, Welspun Groupની એક કંપની અને વિદેશી ફંડ CarVal Investorsએ પણ Sintex Industries ખરીદવામાં દિલચસ્પી દાખવી છે. 

16 EOI થયાં પ્રાપ્ત 

રિઝોલ્યુશન પ્રોફેશનલને કંપની માટે કુલ 16 EOI પ્રાપ્ત થયા છે. સિન્ટેક્સ ઇન્ડસ્ટ્રીઝની વેબસાઇટ અનુસાર, કંપની Armani, Hugo Boss, Diesel અને Burberry જેવી વૈશ્વિક ફેશન બ્રાન્ડ્સને ફેબ્રિક સપ્લાય કરે છે.

રિલાયન્સ માટે દુર્લભ કેમ છે

એક બેંકરે કહ્યું કે આ એક દુર્લભ પ્રસંગ છે જ્યારે રિલાયન્સે નાદાર કંપની ખરીદવા માટે ઔપચારિક રીતે EOI સબમિટ કર્યો છે. સિન્ટેક્સ ઇન્ડસ્ટ્રીઝ કોર્પોરેટ ઇન્સોલ્વન્સી એન્ડ રિઝોલ્યુશન પ્રોસેસ (CIRP)માંથી પસાર થઈ રહી છે. અગાઉ, રિલાયન્સે JM Financial ARC સાથે જોડાણમાં આલોક ઇન્ડસ્ટ્રીઝ માટે બિડ કરી હતી અને બાદમાં તેને હસ્તગત કરી હતી. રિલાયન્સે નાદાર કંપની માટે આ એકમાત્ર વખત બિડ કરી હતી.

3 બેંકોએ એકાઉન્ટને ફ્રોડ જાહેર કર્યું છે

ઓછામાં ઓછી ત્રણ બેંકો  Punjab National Bank, Punjab & Sind Bank અને Karnataka Bankએ કંપનીના ખાતાને ફ્રોડ તરીકે જાહેર કર્યા છે. Reliance Industries, ACRE, CarVal, Welspun, Trident, Arcil, Aditya Birla ARC અને RPએ ટિપ્પણી કરવાનો ઇનકાર કર્યો હતો. 2017માં અમિત પટેલે Sintex Plastics Technology Ltd ને પ્રમોટ કરીને સિન્ટેક્સ ઇન્ડસ્ટ્રીઝમાંથી અલગ કરી દીધી હતી. Sintex Plastics Technology Ltd સ્ટોરેજ ટાંકીઓનું ઉત્પાદન કરે છે.