જો તમે પણ બેંક કે પોસ્ટ ઓફિસમાં FD કરાવી છે તો તમારે ઝડપથી ફોર્મ 15G અને 15H જમા કરાવવાનું રહેશે. જો તમે 3 દિવસમાં આ ફોર્મ જમા નહીં કરાવો તો તમારા વ્યાજમાંથી ટીડીએસ કાપી લેવામા આવશે. આ ફોર્મ જમા કરાવવાની છેલ્લી તારીખ 7 જુલાઈ છે. આ બંને ફોર્મને ટેક્સથી બચવા માટે ટેક્સપેયર્સ ભરે છે. કેન્દ્ર સરકારે લૉકડાઉનના કારણે સામાન્ય લોકોને આવતી મુશ્કેલીઓને ધ્યાનમાં રાખીને આ બાબતે રાહત આપી હતી.
એફડી જમા કરાવનારા માટે કામની વાત
7 તારીખ સુધીમાં જમા કરાવો 15G અને 15H ફોર્મ
નહીં તો વ્યાજમાંથી ટીડીએસ કપાશે
FD ગ્રાહકોએ ટીડીએસથી રાહત મેળવવા માટે આ 2 ફોર્મ જમા કરાવવાના રહે છે. આવકવેરા વિભાગે આ ફોર્મ ભરવાની તારીખ 7 જુલાઈ સુધી વધારી છે. ઉલ્લેખનીય છે કે FD પર મળનારા વ્યાજ પર ટીડીએસ કાપતો અટકાવવા માટે બંને ફોર્મ ભરવા જરૂરી છે. જો જમાકર્તા આ ફોર્મ નથી ભરતા તો બેંક વ્યાજની રકમ પર 10 ટકા ટીડીએસ કાપે છે.
આ કારણોસર જરૂરી છે ફોર્મ જમા કરવું
જ્યારે કોઈ ફાયનાન્શિયલ વર્ષમાં એફડી પર વ્યાજથી થનારી આવક એક નક્કી સીમાને પાર કરે છે તો બેંક ટીડીએસ કાપે છે. આ માટે જમાકર્તાઓએ ફોર્મ 15જી અને 15 એચ ભરવાનું રહે છે અને તેમાં જણાવવાનું રહે છે કે તેમની આવક ટેક્સ યોગ્ય સીમાથી ઓછી છે. ખાતાધારકો આ બંને ફોર્મથી નક્કી કરે છે કે તેમની આવક પર ટીડીએસ નહીં કાપી શકાય. ફોર્મ જમા કર્યા બાજ તમે વ્યાજ કે ભાડું જેવી આવક પર ટીડીએસથી બચી શકો છો. આ ફોર્મને બેંક, કોર્પોરેટ બોન્ડ જાહેર કરનારી કંપનીઓ કે પોસ્ટ ઓફિસ તથા ભાડુઆતે આપવાનું રહે છે.
કોણ જમા કરી શકે છે આ ફોર્મ
ફોર્મ 15 જીનો ઉપયોગ 60 વર્ષથી ઓછી ઉંમરના ભારતીય નાગરિક, હિંદુ અવિભાજિત પરિવાર એટલે કે HUF કે ટ્રસ્ટ કરી શકે છે. આ રીતે ફોર્મ 15 એચ 60 વર્ષની ઉંમરથી વધુ ઉંમરના ભારતીય નાગરિકો માટે છે. આ બંને ફોર્મની અવધિ 1 વર્ષની હોય છે. તેને દર વર્ષે જમા કરાવવાનું રહે છે.
ટેક્સ કપાય તો આ રીતે લઈ શકો છો રૂપિયા પરત
ફોર્મ 15G કે 15Hના જમા કરવામાં મોડું થવાના કારણે જો તમારો ટીડીએસ કપાય છે તો તેને તમે ઈન્કમ ટેક્સ રિફંડ ફાઈલ કરીને પરત લઈ શકો છો.
SBIમાં એફડી કરાવનારા ઘરે બેસીને જ આ ફોર્મ કઈ રીતે જમા કરાવી શકશે તે જાણો.
ગ્રાહક ઈ સેવાનો વિકલ્પ પસંદ કરો. '15G / H' વિકલ્પ પસંદ કરો. હવે ફોર્મ 15G કે ફોર્મ 15H પસંદ કરો. હવે Customer Information File (CIF) No પર ક્લિક કરો અને સબમિટ કરો. ત્યાર પછી એક નવું પેજ ખુલશે જેમાં પહેલાંથી થોડી જાણકારી ભરેલી હશે. જે બાકી હોય તે ભરી દો. તમારું કામ સરળતાથી થઈ જશે.