બેંકિંગ / આ સપ્તાહમાં સતત ત્રણ દિવસ બંધ રહેશે બેંકો, પતાવી લેજો જરૂરી કામ નહીંતર પડશે ધક્કો

• બેંકનું અગત્યનું કામ કરવાનું બાકી હોય તો વાંચી લેજો
• આ સપ્તાહમાં સતત 3 દિવસ બેંકો બંધ રહેવાની છે
• દર મહિનાના બીજા અને ચોથા શનિવારે બેંકો બંધ રહે છે

તમને જણાવી દઈએ કે, 31 ડિસેમ્બર પહેલાં તમામ ટેક્સપેયર્સ ટેક્સ ભરવાનું છે તો તમે પણ આ વાત ધ્યાનમાં રાખજો અને ગુરૂવાર સુધી તમારા કામ પતાવી લેજો. તમને જણાવી દઈએ કે, દર મહિનાના બીજા અને ચોથા શનિવારે બેંકો બંધ રહે છે. આ વખતે 26 ડિસેમ્બર મહિનાનો ચોથો શનિવાર છે જેથી બેંકો બંધ રહેશે અને રવિવારે પણ બેંકો બંધ રહેશે. 

આ સિવાય 25 ડિસેમ્બરે ક્રિસમસ છે. જેથી આ શુક્રવારે પણ બેંકો બંધ રહેશે. આ દિવસે નેશનલ હોલીડે હોય છે. આ રીતે સતત 3 દિવસ બેંકો બંધ રહેવાની છે. આ 2020નો છેલ્લો સપ્તાહ છે. જેથી લોકોને બેંકોથી જોડાયેલા ઘણાં કામ પતાવવાના હશે. તો તમે પણ રાહ જોયા વિના ફટાફટ પૈસાથી જોડાયેલા તમારા કામ પતાવી લો. 

તમને જણાવી દઈએ કે, 1 જાન્યુઆરી 2021થી પૈસા અને બેંકોથી જોડાયેલા ઘણાં નિયયમો બદલાઈ જવાના છે. ઈન્કમ ટેક્સ રિટર્ન માટે તમારે બેંક સ્ટેટમેન્ટ, વ્યાજની આવકનું સર્ટિફિકેટ, ફોર્મ 26 એએસ જેવા ડોક્યૂમેન્ટ્સ બેંકમાંથી લેવા પડી શકે છે.