માર્ચ મહીનાની 11, 12 અને 13 માર્ચે થવા વાળી બેન્ક હડતાળ (Bank Strike) પાછી ખેંચવામાં આવી છે. સમજુતી બાદ ઑલ ઇન્ડિયા બેન્ક ઓફિસર એસોસિએશન (All India Bank Officers Association) એ હડતાળને પાછી ખેંચી છે.
11, 12 અને 13 માર્ચે થવા વાળી બેન્ક હડતાળ પાછી ખેંચવામાં આવી
ઑલ ઇન્ડિયા બેન્ક ઓફિસર એસોસિએશને હડતાળને પાછી ખેંચી છે
બેન્ક હડતાળ 11,12 અને 13 માર્ચે થવાની હતી, જ્યારે 9 અને 10 માર્ચે હોળી છે. એવામાં પાંચ દિવસો સુધી સતત બેન્ક બંધ થવાને લઇને અત્યારથી ગ્રાહક રકમના ટ્રાન્ઝેક્શનને લઇને સચેત હતા. જોકે હવે બેન્ક હડતાળ સ્થગિત થઇ જવાને કારણે દુકાનદારો અને વ્યાપારીઓએ રાહતનો શ્વાસ લીધો છે. ઑલ ઇન્ડિયા બેન્ક ઓફિસર એસોસિએશનના સંયુક્ત સચિવ ડીએન ત્રિવેદી અને ઉપાધ્યક્ષ ડૉ કુમાર અરવિંદે બેન્ક હડતાળ પાછી ખેંચવાની વાત કહી છે.
આ સંબંધમાં ઑલ ઇન્ડિયા બેન્ક ઓફિસર એસોસિએશનના સંયુક્ત ડીએન ત્રિવેદીએ શનિવારે પ્રેસ કોન્ફરન્સમાં જણાવ્યું કે આઇબીએ (IBA) અને યૂનાઇડેટ ફોરમ ઓફ બેન્ક યૂનિયન (Union Forum of Bank Union) ની વચ્ચે પગાર વધારાને લઇને સમજુતી થઈ. તેઓએ જણાવ્યું કે તેના હેઠળ 15 ટકા વેતન વૃદ્ધિના અતિરિક્ત વિશેષ ભથ્થાને મૂળ વેતનમાં જોડવા હેતુ એક નાની કમિટીનું ગઠન કરવાનો નિર્ણય લેવામાં આવ્યો.
આ સાથે જ પર્ફોમન્સ લિંક્ડ ઇન્સેન્ટિવ આપવા પર પણ સહમિત બની. તેઓએ કહ્યું કે આ સકારાત્મક વાર્તાના પરિપેક્ષ્યમાં 11,12 અને 13 માર્ચે થવા વાળી બેન્ક હડતાળને સ્થગિત કરી દેવામાં આવી છે.