ગ્રેજ્યુએટ અને પોસ્ટ ગ્રેજ્યુએટ યુવાનો બેંક ઓફ ઈન્ડિયાની આ વિવિધ જગ્યાઓ માટે અરજી કરી શકે છે. ઓનલાઈન અરજી કરવાની છેલ્લી તારીખ 10મી મે 2022 છે.
બેન્કમાં નોકરી કરવા માંગતા યુવકો માટે મોટી તક
BOIએ બહાર પાડી બમ્પર વેકેન્સી
જાણો તેના વિશે બધુ જ
બેંકિંગમાં કારકિર્દી બનાવવા માંગતા ઉમેદવારો માટે સારા સમાચાર છે. બેંક ઓફ ઈન્ડિયાએ ક્રેડિટ ઓફિસર, આઈટી ઓફિસર અને રિસ્ક મેનેજર સહિત 594 જગ્યાઓ માટે અરજીઓ આમંત્રિત કરી છે.
સંબંધિત સ્ટ્રીમમાં ગ્રેજ્યુએશન અને પોસ્ટ ગ્રેજ્યુએશનની ડિગ્રી પૂર્ણ કરી હોય તેવા ઉમેદવારો આ પોસ્ટ્સ માટે ઑનલાઇન અરજી કરી શકે છે. સંબંધિત ફિલ્ડની કેટલીક પોસ્ટમાં અનુભવ પણ માંગવામાં આવ્યો છે. હાલમાં જ આ અંગે એક નોટિફિકેશન બહાર પાડવામાં આવ્યું છે. આ ભરતી માટે અરજી કરવાની પ્રક્રિયા 26 એપ્રિલથી શરૂ થઈ ગઈ છે. આ વિશે વિગતવાર જાણો.
ભરતી સંબંધિત મહત્વની તારીખો
અરજી શરૂ થવાની તારીખ - 26 એપ્રિલ 2022
અરજી કરવાની છેલ્લી તારીખ - 10 મે 2022
અરજી ફી સબમિટ કરવાની છેલ્લી તારીખ - 10 મે 2022
ભરતી પરીક્ષાની તારીખ - હજુ સુધી જાહેર કરવામાં આવી નથી
શૈક્ષણિક લાયકાત
અલગ-અલગ જગ્યાઓ માટે અલગ-અલગ શૈક્ષણિક લાયકાત નિર્ધારિત કરવામાં આવી છે. ઈકોનોમિસ્ટ અને સ્ટેટિસટિશિયનની જગ્યાઓ માટે સંબંધિત સ્ટ્રીમમાં માસ્ટર ડિગ્રી અને 4 વર્ષનો અનુભવ ધરાવતા ઉમેદવારો અરજી કરી શકે છે.
રિસ્ક મેનેજરની પોસ્ટ માટે અરજી કરનારા ઉમેદવારો પાસે સંબંધિત ક્ષેત્રમાં 3 વર્ષનો અનુભવ અને પ્રમાણપત્ર હોવું જોઈએ. ક્રેડિટ ઓફિસર, ટેકનિકલ એપ્રેઝલ અને આઈટી ઓફિસરની જગ્યાઓ માટે અરજી કરનારા ઉમેદવારો પાસે સંબંધિત ક્ષેત્રમાં એન્જિનિયરિંગની ડિગ્રી અને થોડા વર્ષોનો અનુભવ હોવો જોઈએ.
વયમર્યાદા અને અરજી ફી
આ જગ્યાઓ માટે અરજી કરનારા ઉમેદવારોની ઓછામાં ઓછી ઉંમર 20 વર્ષ અને વધુમાં વધુ 35 વર્ષની હોવી જોઈએ. વય મર્યાદા પણ અલગ-અલગ પોસ્ટ પ્રમાણે અલગ-અલગ છે. તમને આ વિશે વધુ માહિતી નોટિફિકેશનમાં મળશે. અરજી ફી વિશે વાત કરીએ તો, જનરલ, OBC અને EWS કેટેગરીના ઉમેદવારોએ 850 રૂપિયા જમા કરાવવાના રહેશે. SC, ST અને દિવ્યાંગ માટે અરજી ફી 175 રૂપિયા છે.
આ રીતે કરો અરજી
આ જગ્યાઓ માટે અરજી કરવા માટે યોગ્ય ઉમેદવારોએ પહેલા બેંક ઓફ ઈન્ડિયાની અધિકૃત વેબસાઈટ https://bankofindia.co.in પર જવું પડશે. અહીં કરિયર વિભાગમાં ભરતીની સૂચના મળશે. જેમાં ભરતી સંબંધિત વિગતવાર માહિતી આપવામાં આવી છે. અહીં તમને એપ્લિકેશનની લિંક પણ મળશે.