નવા વર્ષે જો આપ ઘર અથવા કાર ખરીદવાનું વિચારી રહ્યા છો તો આપના માટે એક સારી તક છે. વાત એમ છે કે, બેન્ક ઓફ બરોડા સહિત 3 મોટી બેંકોએ ગ્રાહકોને ભેટ આપી છે. તેના હેઠળ લોન પર વ્યાજદર ઓછુ થઇ ગયું છે. અહીં જાણીએ બેંકોની ઓફર્સ વિશે.
નવા વર્ષે બેન્ક ઓફ બરોડા સહિત 3 મોટી બેંકોએ રજૂ કરી ઓફર્સ
UBI : નવા બદલાવ હેઠળ 1 વર્ષના સમયગાળાની લોન માટે એમસીએલઆર દર 8.10 ટકા હશે
બેન્કોના આ નિર્ણય બાદ હોમ લોન લેવી પહેલાની તુલનામાં સસ્તી બની જશે
બેન્ક ઓફ બરોડા
બેન્ક ઓફ બરોડાએ જણાવ્યું કે, તે 12 જાન્યુઆરીથી એક મહીનાના સમયગાળા માટે પોતાની MCLR દરને 7.65 ટકાથી ઘટાડીને 7.60 ટકા કરશે. બેન્કે જણાવ્યું છે કે, અન્ય સમયગાળાના દર પહેલા જેવી જ રહેશે. આ પ્રકારે બેન્ક ઓફ બરોડામાં એક મહીનાના સમયગાળા માટે MCLR 7.60 ટકા, ત્રણ મહીના માટે 7.80 ટકા, 6 મહીના માટે 8.10 ટકા અને એક વર્ષ માટે 8.25 ટકા થઇ ગયો છે.
યૂનિયન બેન્ક ઓફ ઇન્ડિયા
યૂનિયન બેન્ક ઓફ ઇન્ડિયા (UBI) એ અલગ-અલગ મેચ્યોરિટી સમયગાળા માટે લોન પર માર્જિનલ કૉસ્ટ લેન્ડિંગ રેટ એટલે કે એમસીએલઆર આધારિત વ્યાજદરમાં 0.10 ટકાનો ઘટાડો છે. બેન્કની આ નવા દર 11 જાન્યુઆરી (શનિવાર)થી લાગૂ થયા છે. નવા બદલાવ હેઠળ 1 વર્ષના સમયગાળાની લોન માટે એમસીએલઆર દર 8.10 ટકા હશે. જુલાઇ 2019ની બાદથી બેન્કે વ્યાજદરમાં સતત નવમો ઘટાડો કર્યો છે.
ઓરિયન્ટલ બેન્ક ઓફ કોમર્સ
જાહેર ક્ષેત્રની ઓરિયન્ટલ બેન્ક ઓફ કૉમર્સ (OBC) એ વિભિન્ન પૂર્ણ સમયગાળા માટે એમસીએલઆરમાં 0.05થી 0.15 ટકા સુધીનો ઘટાડો કર્યો છે. બેન્કોએ એક વર્ષની એમસીએલઆરને 0.15 ટકા ઘટાડીને 8.15 ટકા કર્યો છે. બેન્કોના આ નિર્ણય બાદ હોમ લોન લેવી પહેલાની તુલનામાં સસ્તી બની જશે. આ સાથે જ પહેલાથી ચાલી રહેલી EMI પર રાહત મળશે.