ખાસ વાંચો / આ 3 બેંકોએ લીધો મોટો નિર્ણય, દેશના કરોડો ગ્રાહકો પર પડશે અસર

• 3 મોટી બેંકોએ કેટલાક અગત્યના નિર્ણય લીધા
• BOBએ વધુ ક્રેડિટ સ્કોરવાળાને જ લોન આપવાનું નક્કી કર્યું

જાહેર ક્ષેત્રની બેંક ઓફ બરોડાએ તેના નવા ગ્રાહકો માટેની લોન પરના જોખમના પ્રીમિયમમાં વધારો કર્યો છે. સરળ ભાષામાં સમજીએ તો નવા ગ્રાહકો માટે બેંક ઓફ બરોડાથી લોન લેવી મોંઘી થશે. 

વધુ ક્રેડિટ સ્કોરવાળાને જ મળશે લોન

આ સિવાય બેંકે ધિરાણની બાબતમાં સારા ક્રેડિટ સ્કોરનો પણ સમાવેશ કર્યો છે. આનો અર્થ એ છે કે જેની પાસે વધુ ક્રેડિટ સ્કોર છે, તેમને ઓછા વ્યાજે લોન મળશે. જ્યારે ઓછા ક્રેડિટ સ્કોર પર લોનના વ્યાજનો દર વધુ રહેશે. 

ICICI બેંક અપનાવી અનોખ રીત 

પ્રાઇવેટ સેક્ટરની આઇસીઆઇસીઆઇ બેંકે ખેડૂતોને લોન આપવાની નવી રીત અપનાવી છે. બેંક સેટેલાઇટ મારફત ખેડૂતના ખેતરની તસવીરો લેશે અને ત્યારબાદ તેને લોન આપશે. 

ઓછા સમયગાળામાં લોન થશે મંજૂર

બેંકના જણાવ્યા પ્રમાણે ખેડૂતોની આર્થિક સ્થિતિનો સાચો અંદાજ લગાવશે અને સાથે જ લોનને ઓછા સમયગાળામાં મંજૂરી આપશે. આ ટેકનિકથી ખેડૂતોની લોન લિમિટ વધારવામાં પણ મદદરૂપ થશે.  

કોટક મહિન્દ્રા બેંક આપશે કાર્ડલેસ કેસની સુવિધા 

કોટક મહિન્દ્રા બેંકના એટીએમમાંથી પૈસા ઉપાડવા માટે ડેબિટ કાર્ડની જરૂર નથી. ઉલ્લેખનીય છે કે, SBIની જેમ કાર્ડલેશ રોકડની સુવિધા શરૂ કરી છે. આ સુવિધા માટે ગ્રાહકોએ કોટક નેટ બેંકિંગ અથવા મોબાઇલ બેંકિંગથી લોગ-ઇન કરવું પડશે.