તમારા કામનું / ઓક્ટોબરના લાસ્ટ વિકમાં રજાઓ જ રજાઓ! આટલા દિવસ બંધ રહેશે બેંકો, પતાવી લો જરૂરી કામ

• છેલ્લા અઠવાડિયામાં આટલા દિવસ બંધ રહેશે બેંક 
• અલગ અલગ રાજ્યોમાં તહેવારોના કારણે બેંકો રહેશે બંધ 
• જાણો તમારા રાજ્યમાં રજાઓની લિસ્ટ 

દેશમાં ઓક્ટોબર મહિનામાં ફેસ્ટિવ સીઝનના કારણે મહિનાના પહેલા ભાગમાં ઘણી બેંકો બંધ રહી છે. આ મહિનો અડધો જતો રહ્યો છે. તેમાં 1 ઓક્ટોબરે અર્ધવાર્ષિક ક્લોજિંગ, 2 ઓક્ટોબરે ગાંધી જયંતી અને 5 ઓક્ટોબરે વિજયાદશીનો તહેવાર હતો. સાથે જ ઘણા ક્ષેત્રીય તહેવારોના કારણે ઘણા રાજ્યોમાં બેંકો બંધ રહેશે. સાથે જ બીજા શનિવાર અને 2 રવિવાર પર સાપ્તાહિક રજા છે. 

18 થી 31 સુધી ક્યારે ક્યારે બંધ રહેશે બેંક? 
ઓક્ટોબર મહિનાના બાકીના દિવસોમાં બેંકો ઘણા દિવસો સુધી બંધ રહેવાની છે. આમાં સાપ્તાહિક રજાઓ અને વિવિધ રાજ્યોના પ્રાદેશિક તહેવારો વગેરેનો સમાવેશ થાય છે. ઉપરાંત મોટાભાગના રાજ્યોમાં દિવાળી અને કાલી પૂજા જેવા તહેવારોની રજા રહેશે. 

તેથી જો તમે બેંક સંબંધિત કોઈપણ કામ પતાવવા માંગતા હોવ, તો પહેલા અહીં રજાઓની લિસ્ટ જોઈ લો અને પછી તે મુજબ બેંક જજો. હવે ઓક્ટોબરમાં કુલ 9 દિવસની બેંક રજા રહેશે. આમાં પ્રાદેશિક તહેવારોનો સમાવેશ થાય છે. તેમાંથી ફક્ત 4 દિવસ આખા દેશમાં બેંકોનું કામકાજ ઠપ્પ રહેશે. 

જુઓ આખી લિસ્ટ 

• 18 ઓક્ટોબર - કટી બિહુ (ગુવાહાટીમાં રજા)
• 22 ઓક્ટોબર - ચોથો શનિવાર
• 23 ઓક્ટોબર - રવિવાર
• 24 ઓક્ટોબર – કાલી પૂજા/દિવાળી/નરક ચતુર્દશી) (ગંગટોક, હૈદરાબાદ અને ઇમ્ફાલ સિવાય દેશભરમાં રજા)
• 25 ઓક્ટોબર – લક્ષ્મી પૂજા/દિવાળી/ગોવર્ધન પૂજા (ગંગટોક, હૈદરાબાદ, ઇમ્ફાલ અને જયપુરમાં રજા)
• 26 ઓક્ટોબર – ગોવર્ધન પૂજા/વિક્રમ સંવત નવા વર્ષનો દિવસ/ભાઈ બીજ/દિવાળી (બાલી પ્રતિપદા)/લક્ષ્મી પૂજા/પ્રવેશ દિવસ (અમદાવાદ, બેંગલુરુ, બેંગલુરુ, દેહરાદૂન, ગૈગટાક, જમ્મુ, કાનપુર, લખનૌઉ, મુંબઈ, નાગપુર, શિમલા, શ્રીનગરમાં રજા રહેશે. )
• 27 ઓક્ટોબર – ભાઈ બીજ/ચિત્રગુપ્ત જયંતિ/લક્ષ્મી પૂજા/દીપાવલી/નિંગોલ ચક્કુબા (ગંગટોક, ઈમ્ફાલ, કાનપુર, લખનૌમાં રજા)
• 30 ઓક્ટોબર - રવિવાર
• 31 ઓક્ટોબર – સરદાર વલ્લભભાઈ પટેલનો જન્મદિવસ / સૂર્ય ષષ્ઠી દળ છઠ (સવારે અર્ઘ્ય) / છઠ પૂજા (અમદાવાદ, ઝારખંડ અને બિહારમાં રજા).