માર્ચ મહિનામાં તહેવારોની 5 રજાઓ અને સાથે રવિવાર અને શનિવાર મળીને કુલ 11 દિવસ બેંકનું કામકાજ બંધ રહેશે.
માર્ચ મહિનામાં કુલ 11 દિવસ રહેશે બેંક બંધ
5 દિવસ રહેશે તહેવારોના કારણે રજાઓ
રવિવાર અને શનિવારની 6 દિવસ રહેશે રજા
ફેબ્રુઆરી મહિનો ખતમ થવાને ગણતરીના દિવસો બાકી રહ્યા છે ત્યારે જરૂરી છે કે તમે આવતા મહિનાના એટલે કે માર્ચ મહિનાના કામનું પ્લાનિંગ પહેલાથી કરી લો. ભારતીય રિઝર્વ બેંકે માર્ચ મહિનાની બેંકની રજાઓ જાહેર કરી દીધી છે. આ સાથે તમે જાણો કે માર્ચમાં કયા 11 દિવસોએ બેંક બંધ રહેશે અને કયા દિવસોએ તમે જરૂરી કામ કરી શકશો. માર્ચ મહિનામાં તહેવારોના કારણે 5 દિવસ બેંક રહેશે તો રવિવાર અને શનિવારની રજાઓના કારણે 6 દિવસની રજા રહેશે. કુલ 11 દિવસ બેંકમાં રજા રહેશે.
અલગ અલગ રાજ્યોમાં બેંકની છે અલગ રજાઓ
એ જાણી લેવું જરૂરી છે કે અલગ અલગ રાજ્યો અનુસાર બેંકની રજાઓ અલગ અલગ હોય છે. તેના કારણે બેંકની રજાઓ તહેવાર પર આધાર રાખે છે. માર્ચ મહિનાની પહેલી રજા 5 માર્ચે અને પછી 7 માર્ચે રવિવાર હોવાથી બંધ રહેશે.
11 માર્ચે શિવરાત્રિના કારણે બેંક રહેશે બંધ
11 માર્ચે મહાશિવરાત્રિનો તહેવાર હોવાથી દેશની તમામ બેંક બંધ રહેશે. આ પછી 13 માર્ચે મહિનાનો બીજો શનિવાર અને 14 માર્ચે રવિવાર છે. આમ સતત બેંકમાં 2 દિવસની રજા રહેશે. આ પછી 21 માર્ચે રવિવારની રજા રહેશે અને 22 તારીખે બિહાર દિવસના કારણે બિહારની બેંકોમાં રજા રહેશે.
મહિનાના અંતમાં સળંગ 4 દિવસ બેંક રહેશે બંધ
મહિનાનો ચોથો શનિવાર 27 માર્ચે, 29 માર્ચે રવિવાર અને સાથે જ 29 અને 30 તારીખે હોળીની રજા હોવાથી તે દિવસે પણ સળંગ 4 દિવસ સુધી રજા રહેશે. 29 અને 30 માર્ચે દેશભરમાં હોળીનો તહેવાર હોવાથી 2 દિવસ દરેક બેંકો બંધ રહેશે.
આ સ્થિતિમાં તમે આરબીઆઈની રજાઓ અનુસાર તમારા કામ પહેલાથી પ્લાન કરી લો તે જરૂરી છે.
નોંધ- આ વેબસાઈટ પરથી પણ તમે રજાઓનું લિસ્ટ ચેક કરી શકો છો. https://www.rbi.org.in/scripts/HolidayMatrixDisplay.aspx?regoff=Hyderabad