જો તમારે બેંક સાથે જોડાયેલા કોઈ પણ કામ બાકી છે તો તમે તેને આ 3 દિવસમાં પતાવી લો તે જરૂરી છે. તેની પાછળનું કારણ છે કે બેંક કર્મચારીઓના સંગઠનોએ વેતન સુધારને લઈને 31 જાન્યુઆરી અને 1 ફેબ્રુઆરીએ બેંક હડતાળ જાહેર કરી છે. જ્યારે 2 ફેબ્રુઆરીએ રવિવારની રજાના કારણે બેંક બંધ રહેશે. એટલે કે શુક્રવારથી રવિવાર સુધી બેંક બંધ રહેશે.
3 દિવસમાં પતાવી લો બેંકના જરૂરી કામ
31 જાન્યુઆરીથી 2 ફેબ્રુઆરી સુધી બેંક રહેશે બંધ
2 દિવસની હડતાળ અને 1 રવિવારની રહેશે રજા
મળતી માહિતી અનુસાર સતત 3 દિવસની બેંકમાં રજા આવવાથી અનેક ટ્રાન્ઝેક્શન પર પણ અસર પડશે. આ માટે દરેક બેંકના ઓફિસરોને કામની વ્યવસ્થાને લઈને માહિતગાર કરવામાં આવ્યા છે. બેંક કર્મચારીઓના સંગઠનોએ વેતન સુધારને લઈને વાતચીત અસફળ રહેવાના કારણે 31 જાન્યુઆરી અને 1 ફેબ્રુઆરીએ હડતાળનું એલાન કર્યું છે.
આ કારણે જરૂરી છે 3 દિવસમાં કામ પતાવી લેવું
31 જાન્યુઆરીએ બેંક કર્મચારીઓ હડતાળ રાખશે.
1 ફેબ્રુઆરીએ શનિવારે પણ બેંક હડતાળના કારણે જ બંધ રહેશે.
2 ફેબ્રુઆરીએ રવિવારની રજા રહેશે.
ક્યારે હશે બેંકની હડતાળ
ઈન્ડિયન બેંક એસોસિયેશને યુનાઈટેડ ફોરમ ઓફ બેંક યુનિયન જેની સાથે 9 પ્રમુખ સંગઠનો જોડાયેલા છે તેઓએ 31 જાન્યુઆરી અને 1 ફેબ્રુઆરીએ બેંક કર્મચારીઓની હડતાળ રાખી છે. આ હડતાળમાં અનેક બેંકના સંગઠનો પણ સામેલ છે. બેંક કર્મચારીઓ અને અધિકારીઓની હડતાળથી બેંક શાખાઓનું કામ પ્રભાવિત થઈ શકે છે. આ સમયે તમે આ દિવસો પહેલાં જ તમારું બેંકનું કામ પતાવી લો તે જરૂરી છે.