જો તમારે પણ બેંક સંબંધિત કોઈ કામ છે તો તમે તેને આજે જ પૂરું કરી લો. આવતીકાલથી સતત 4 દિવસ બેંકમાં રજા રહેશે.
આવતીકાલથી 4 દિવસ બેંક રહેશે બંધ
જાણો કયા શહેરોમાં બેંકમાં રહેશે રજા
વીકેન્ડ સાથે તહેવારની રજાઓ જોડાશે
જો તમારે બેંક સંબંધિત કોઈ પણ કામ છે તો તમે તેને આજે જ પૂરું કરી લો તે જરૂરી છે. કેમકે આવતીકાલથી અનેક જગ્યાઓએ બેંક સતત 4 દિવસ માટે બંધ રહેવાની છે. હા, 28-31 ઓગસ્ટ સુધી અનેક શહેરોમાં બેંકમાં રજા રહેશે. ભારતીય રિઝર્વ બેંકના જણાવ્યા અનુસાર આ મહિને 28-31 ઓગસ્ટ સુધી બેંક બંધ રહેશે. આ સાથે ઓનલાઈન બેંકિંગ સર્વિસ અને એટીએમની સુવિધા ચાલુ રહેશે. RBI એ ઓગસ્ટ મહિનાની રજાનુ એક લિસ્ટ જાહેર કર્યું છે જેમાં 28-31 ઓગસ્ટ સુધી બેંકની રજાઓ જાહેર કરાઈ છે.
28 ઓગસ્ટે ચોથો શનિવાર
ઉલ્લેખનીય છે કે અલગ અલગ રાજ્યોમાં જ્યાં સ્થાનિક તહેવારોના કારણે અલગ અલગ ઝોન માટે બેંકની રજાઓ જાહેર કરાય છે ત્યારે આ સમયે બેંકમાં 4 દિવસની રજા નક્કી કરાઈ છે. 28 ઓગસ્ટે ચોથો શનિવાર હોવાના કારણે બેંકમાં રજા રહેશે.
29 ઓગસ્ટે રવિવાર
આપને જણાવી દઈએ કે 28 પછી 29મીએ એ રવિવારની રજા હોવાથી પણ તમે બેંકના કામ કરી શકશો નહીં, હા તમે ઓનલાઈન ટ્રાન્ઝેક્શનની મદદથી તમારા કામ કરી શકો છો.
30 ઓગસ્ટે પણ અનેક શહેરોમાં બેંક બંધ રહેશે
30 ઓગસ્ટે જન્માષ્ટમીના કારણે અનેક શહેરોમાં બેંક બંધ રહેશે. જેમાં અમદાવાદ, ચંડીગઢ, ચેન્નઈ, દહેરાદૂન, જયપૂર, જમ્મૂ, કાનપુર, લખનઉ, પટના, રાયપુર, રાંચી, શિલોંગ, શિમલા, શ્રીનગર, ગંગટોકમાં બેંકમાં કામ થઈ શકશે નહીં.