જો તમે આગામી જાન્યુઆરી મહિનામાં બેન્કના કેટલાક કામ કરવાનું પ્લાનિંગ કરતા હો તો યાદ રહે કે 2020ના નવા વર્ષમાં જાન્યુઆરી મહિનામાં 10 દિવસ બેન્કો બંધ રહેશે. એટલા માટે બેન્કને લગતા કામ તાત્કાલિક આટોપી લેવા જોઇએ.
જાન્યુઆરી બેન્કને લગતા કામ કરવાનું પ્લાનિંગ ન કરતા
જાન્યુઆરીના આ દિવસે બંધ રહેશે બેન્કો
પહેલાં જ પતાવી દેજો બેન્કોના કામ
આ 10 દિવસની રજાઓમાં અલગ અલગ રાજ્યોમાં મળતી રજાઓ સાથે મહિનાના બીજા અને ચોથા શનિવાર પણ સામેલ છે. 1 જાન્યુઆરીએ નવા વર્ષ 2020નો પ્રથમ દિવસ હોવાથી કેટલાક રાજ્યમાં બેન્કો બંધ રહેશે. આ દિવસે આઇઝોલ, ચેન્નઇ, ગંગટોક અને શોલિંગમાં રજા હોય છે. 2 જાન્યુઆરીએ ગુરુ ગોવિંદસિંહના જન્મદિને ચંડીગઢ અને આઇઝોલમાં બેન્કો બંધ રહેશે. 11 જાન્યુઆરીએ મહિનાનો બીજો શનિવાર હોવાથી બંધ રહેશે. 14 જાન્યુઆરીએ મકરસંક્રાતિએ ગુજરાતમાં બેન્ક હોલિડે છે. 15 જાન્યુઆરીએ પોંગલ સહિતના અન્ય તહેવાર હોવાથી કર્ણાટક, ચેન્નઇ, આસામ, આંધ્રમાં બેન્કોમાં રજા રહેશે. 16-17 જાન્યુઆરીએ તિરુવલ્લવુર અને ઉજહવારના તહેવાર પ્રસંગે ચેન્નઇમાં બેન્ક બંધ રહેશે. 23 જાન્યુ.એ સુભાષચંદ્ર બોઝના જન્મદિને પ.બંગાળમાં બેન્કો બંધ રહેશે.