કોરોના વાયરસના વધતાં પ્રકોપને રોકવા માટે મોટાભાગના રાજ્યોમાં 1થી 30 જૂન સુધી લોકડાઉન 5 લાગુ કરી દેવામાં આવ્યું છે. જોકે, દેશભરમાં 1 જૂનથી 30 જૂન સુધી અનલોક-1 પણ લાગુ કરવામાં આવ્યું છે અને હવે દેશમાં લોકડાઉનને અનલોક કરવા માટેની માર્ગદર્શિકા અમલમાં આવી છે. આ અંતર્ગત દેશભરમાં ઘણાં પ્રકારની છૂટ આપવામાં આવી છે. જો તમારા બેંકિંગ સંબંધી કોઈપણ કામ અટકેલાં હોય તો પતાવી લેજો, કારણ કે જૂનમાં આટલા દિવસ બેંકો બંધ રહેવાની છે.
પતાવી લો બેંકના જરૂરી કામ
જૂનમાં 7 દિવસ બેંકો બંધ રહેશે
વહેલાં પતાવી લેજો બેંકના કામ નહીં તો ધક્કો ખાવો પડશે
રિઝર્વ બેંકની બેંક હોલિડેની લિસ્ટ મુજબ, જૂન મહિનામાં રવિવાર અને બીજા અને ચોથા શનિવાર સિવાય 7 દિવસ બેન્કો બંધ રહેશે. જેમાં તારીખ 7, 13, 14, 21, 23, 27 અને 28 જૂને શનિવાર અને રવિવાર હોવાથી રજા રહેશે. આ ઉપરાંત 18 જૂને ગુરુ હરગોવિંદજી જયંતિ હોવાથી ઘણાં રાજ્યોમાં રજા રહેશે.
જુલાઈ અને ઓગસ્ટમાં ક્યારે બેંકો બંધ રહેશે?
જુલાઈ: 5, 11, 12, 19, 25 અને 26 જુલાઈએ શનિવાર અને રવિવાર હોવાને કારણે રજા રહેશે. આ સાથે 31 જુલાઈએ બકરી ઇદની ગેઝેટેડ રજા રહેશે.
ઓગસ્ટ: 2, 8, 9, 16, 22, 23, 29 અને 30 ઓગસ્ટે શનિવાર અને રવિવાર હોવાને કારણે રજા રહેશે. 3 ઓગસ્ટે રક્ષાબંધનને કારણે રજા છે, 11 ઓગસ્ટે શ્રી કૃષ્ણ જન્માષ્ટમીની સ્થાનિક રજા છે, 12 ઓગસ્ટએ શ્રી કૃષ્ણ જન્માષ્ટમીની ગેઝેટેડ રજા છે, 15 ઓગસ્ટ એ સ્વતંત્રતા દિવસની રજા છે, 21 ઓગસ્ટએ તીજ (હરિતાલિકા)ની સ્થાનિક રજા છે, 22 ઓગસ્ટએ ગણેશ ચતુર્થીની સ્થાનિક રજા છે, 30 ઓગસ્ટે મોહરમની ગેઝેટેડ રજા રહેશે, 31 ઓગસ્ટએ ઓણમની સ્થાનિક રજા રહેશે.
રિઝર્વ બેંક ઓફ ઇન્ડિયા (આરબીઆઈ)ની રજાઓની લિસ્ટ મુજબ, 3 મહિનામાં રક્ષાબંધન, જનાષ્ટમી, બકરી ઇદ જેવી રજાઓ સામેલ છે. આ સમય દરમિયાન ખાતાધારકોને પરેશાનીઓનો સામનો કરવો પડી શકે છે. તેથી આ તારીખો વિશે જાણવું ખૂબ જ મહત્વપૂર્ણ છે. તો તમે વહેલાં જ તમારા બેંકના કામ પતાવી લેજો.