માર્ચ મહિનામાં કુલ 14 દિવસ બેંકમાં કામ થશે નહીં. માર્ચમાં 1, 8, 15, 22, 29 તારીખે કુલ પાંચ રવિવારે બેંક બંધ રહેશે. 10 માર્ચે હોળી અને 25 માર્ચે ગુડીપડવાના કારણે તથા 11થી 13 માર્ચ સુધી હડતાળના કારણે બેંક બંધ રહેશે. જાણો કયા દિવસે કયા કારણે બેંક રહેશે બંધ.
માર્ચ મહિનામાં 14 દિવસ બેંક રહેશે બંધ
3 દિવસ રહેશે બેંક હડતાળ
5 રવિવાર અને 2 શનિવારે પણ બેંક રહેશે બંધ
હડતાળના કારણે સતત 6 દિવસ બેંક બંધ રહેશે
આ વર્ષે હોળી પર સતત 6 દિવસ બેંક બંધ રહેશે. એવામાં ફક્ત બેંકોમાં કામકાજ બંધ રહેશે અને સાથે જ ATMમાં પણ કેશની મુશ્કેલી આવી શકે છે. હડતાળ અને રજાના કારણે 10-15 માર્ચ સુધી બેંકનું કામકાજ ખોરવાઈ શકે છે. 10 માર્ચના રોજ હોળીના તહેવારના કારણે બેંક બંધ રહેશે. આ સિવાય બેંક યૂનિયન પોતાની માંગને લઈને 11-13 માર્ચ સુધી 3 દિવસ બેંકની હડતાળ રાખશે. 14 માર્ચે બીજો શનિવાર અને 15 માર્ચે રવિવારે રજા રહેશે. આ પહેલાં 8 માર્ચે પણ રવિવારે રજા રહેશે.