કામની વાત / ફટાફટ બેંકના કામ પતાવી દો: આવતા મહીને 12 દિવસ સુધી બેંકો રહેશે Close, જુઓ લિસ્ટ

• જાણી લો મે મહિનામાં બેંકની રજાઓનું લિસ્ટ
• આ રજાઓમાં દરેક રાજ્યની રજાઓ વિશે આપેલી છે માહિતી 
• બેંકમાં રજા હોય ત્યારે મોબાઈલ અથવા નેટ બેંકિંગ દ્વારા સરળતાથી તમારું કામ પતાવી શકો છો

Bank holiday may 2023: જો તમે મે મહિનામાં બેંક જવાનું વિચારી રહ્યા છો, તો સૌથી પહેલા તમારે મે મહિનામાં બેંકની રજાઓનું લિસ્ટ જોવું જોઈએ. અન્યથા તમારે બેંકમાંથી ખાલી હાથ પાછા ફરવું પડી શકે છે. નાણાકીય વર્ષ 2023-24નો પહેલો મહિનો પૂરો થતાંની સાથે જ ભારતીય રિઝર્વ બેંકે સામાન્ય લોકો માટે મે મહિનાની બેંક રજાઓની યાદી બહાર પાડી. જેથી બેંકના ગ્રાહકોને કોઈપણ પ્રકારની મુશ્કેલી ના થાય. 

બેંકો સામાન્ય લોકોના જીવનમાં અભિન્ન ભૂમિકા ભજવે છે, નાણાંની લેવડદેવડની સુવિધા આપે છે, ડિમાન્ડ ડ્રાફ્ટ પ્રાપ્ત કરવો અને ચેક જમા કરાવો વગેરે. રજાના દિવસે બેંકો બંધ હોય છે ત્યારે ઘણા ગ્રાહકોને અગત્યના કામ બાકી હોય છે જે પૂર્ણ થઈ શકતા નથી. આમ લોકોને તેમની બેંકિંગ પ્રવૃત્તિઓનું આયોજન કરવામાં મદદ કરવા માટે બેંક રજાઓની યાદી આપવામાં આવી રહી છે.

મે 2023 માં બેંકની રજાઓનું લિસ્ટ 

• 1 મે, 2023 ના રોજ મહારાષ્ટ્ર દિવસ/મે દિવસના કારણે  બેલાપુર, બેંગલુરુ, ચેન્નાઈ, ગુવાહાટી, હૈદરાબાદ, કોચી, કોલકાતા, મુંબઈ, નાગપુર, પણજી, પટના અને ત્રિવેન્દ્રમમાં બેંકો બંધ રહેશે.
• 5 મે, 2023 ના રોજ બુદ્ધ પૂર્ણિમાના અવસર પર  અગરતલા, આઈઝોલ, બેલાપુર, ભોપાલ, ચંદીગઢ, દેહરાદૂન, જમ્મુ, કાનપુર, કોલકાતા, મુંબઈ, નાગપુર, નવી દિલ્હી, રાયપુર, રાંચી, શિમલા અને શ્રીનગરમાં બેંકો સંપૂર્ણપણે બંધ રહેશે. 
• 7 મે, 2023ના રોજ રવિવારના કારણે દેશભરમાં બેંકો બંધ રહેશે.
• 9 મે, 2023 ના રોજ રવીન્દ્રનાથ ટાગોરની જન્મજયંતિ છે, જેના પર કોલકાતામાં બેંક બંધ રહેશે.
• 13 મે, 2023 ના રોજ બીજા શનિવારના કારણે, દેશભરની બેંકો બંધ રહેશે.
• 14 મે, 2023 ના રોજ રવિવારના કારણે બેંકો માટે જાહેર રજા રહેશે.
• 16 મે, 2023 ના રોજ સ્થાપના દિવસ નિમિત્તે સિક્કિમમાં બેંક રજા રહેશે.
• 21 મે, 2023ના રોજ રવિવારના કારણે દેશભરની બેંકોમાં રજા રહેશે.
• 22 મે 2023ના રોજ મહારાણા પ્રતાપ જયંતિ નિમિત્તે શિમલામાં બેંકો બંધ રહેશે.
• 24 મે, 2023ના રોજ કાઝી નઝરુલ ઇસ્લામ જયંતિના અવસરે  ત્રિપુરામાં બેંકો બંધ રહેશે.
• 27 મે, 2023 એ ચોથો શનિવાર છે જેના કારણે દેશભરમાં બેંકો બંધ રહેશે.
• 28 મે, 2023ના રોજ રવિવારના કારણે  દેશભરની તમામ બેંકોમાં રજા છે.

બેંકમાં રજા હોવા પર આ રીતે કરો કામ 
બેંકની રજાઓ હોય ત્યારે તમે મોબાઈલ અથવા નેટ બેંકિંગ દ્વારા સરળતાથી તમારું કામ પતાવી શકો છો. આ સિવાય તમે નેટ બેન્કિંગ અથવા મોબાઈલ બેન્કિંગ દ્વારા પૈસા ટ્રાન્સફર કરી શકો છો. પૈસા ટ્રાન્સફર કરવા માટે તમે UPI નો ઉપયોગ કરી શકો છો. તમે ATMનો ઉપયોગ કરીને રોકડ ઉપાડી શકો છો. આ ડિજિટલ બેંકિંગ સુવિધાઓનો લાભ લઈને, તમે બેંકની રજાઓ દરમિયાન પણ ઘરે બેસીને તમારું બેંકિંગ કાર્ય સરળતાથી કરી શકો છો.