મુંબઈમાં રક્ષા બુલિયન અને ક્લાસિક માર્બલ્સ કંપનીના ઠેકાણા પર દરોડા પાડીને ઈડીએ ₹47.76 કરોડ કિંમતનું 431 કિલો સોનું અને ચાંદી ઝડપી પાડ્યું હતું.
બેંક લોન ફ્રોડ કેસમાં મુંબઈમાં બુલિયન કંપની પર ઈડીના દરોડા
દરોડામાં મળ્યું 21 મણ સોનું-ચાંદી
જપ્ત કરાયેલ સોના અને ચાંદીની કિંમત ₹47.76 કરોડ
દેશમાં ઈડીને દરોડામાં સોના-ચાંદીનો અત્યાર સુધીનો સૌથી મોટો જથ્થો મળી આવતા અધિકારીઓને હેરાન થયા હતા. એન્ફોર્સમેન્ટ ડિરેક્ટોરેટે એક કથિત બેંક લોન ફ્રોડ કેસ સાથે સંકળાયેલા મની લોન્ડરિંગની તપાસના ભાગરૂપે મુંબઈની બુલિયન કંપનીના ગુપ્ત લોકર્સની તલાશી લીધા બાદ આજે ₹47 કરોડથી વધુની કિંમતનું 431 કિલો સોનું અને ચાંદી જપ્ત કર્યું હતું.
પારેખ એલ્યુમિનિયમ લિમિટેડ પર ઈડીના દરોડા
ફેડરલ એજન્સીએ એક નિવેદનમાં જણાવ્યું હતું કે, પારેખ એલ્યુમિનિયમ લિમિટેડ નામની કંપની સામેના કેસના સંદર્ભમાં રક્ષા બુલિયન અને ક્લાસિક માર્બલ્સના પરિસરમાં દરોડા પાડવામાં આવ્યા હતા. દરોડા દરમિયાન બુલિયન કંપનીના પરિસરમાંથી કેટલાક ગુપ્ત ખાનગી લોકરની ચાવી મળી આવી હતી.
ED concluded searches on 4 premises belonging to Raksha Bullion & Classic Marbles. The searches were conducted in connection with the money laundering probe in case of Parekh Aluminex ltd. Seizure of 91.5 kg gold and 340 kg silver, valued at Rs 47.76 Cr has been made: ED https://t.co/XjlRcvnIb3pic.twitter.com/9wuwCYWIeP
બે લોકરમાંથી 91 કિલો સોનું અને 152 કિલો ચાંદી મળી
ઈડીએ તેના નિવેદનમાં આગળ કહ્યું કે ખાનગી લોકરોની તલાશી લેતા જાણવા મળ્યું કે લોકર ઓપરેશન યોગ્ય નિયમોનું પાલન કર્યા વિના કરવામાં આવી રહ્યું છે. કોઈ કેવાયસીનું પાલન કરવામાં આવ્યું ન હતું અને પરિસરમાં કોઈ સીસીટીવી કેમેરા લગાવવામાં આવ્યો ન હતો અને કોઈ અંદર અને બહાર રજિસ્ટર પણ નહોતું. આ પરિસરમાં 761 લોકર હતા, જેમાંથી ત્રણ રક્ષા બુલિયનના હતા. લોકર ઓપરેટ કર્યા પછી, બે લોકરમાંથી 91.5 કિલો સોનું (બાર) અને 152 કિલો ચાંદી મળી આવી હતી. રક્ષા બુલિયનના પરિસરમાંથી વધારાની 188 કિલો ચાંદી પણ જપ્ત કરવામાં આવી હતી. એન્ફોર્સમેન્ટ ડિરેક્ટોરેટે જણાવ્યું હતું કે, જપ્ત કરાયેલા સોના-ચાંદીની કુલ કિંમત ₹47.76 કરોડ છે.
પારેખ એલ્યુમિનિયમે 2,296.58 કરોડનો બેન્ક ફ્રોડ કર્યો- ઈડીનો આરોપ
પારેખ એલ્યુમિનિયમ લિમિટેડ સામે મની લોન્ડરિંગનો કેસ માર્ચ, 2018નો છે, જેમાં એવો આક્ષેપ કરવામાં આવ્યો હતો કે કંપનીએ "બેંકો સાથે છેતરપિંડી કરી હતી અને ₹2,296.58 કરોડની લોન લીધી હતી. એન્ફોર્સમેન્ટ ડિરેક્ટોરેટે દાવો કર્યો હતો કે, ત્યારબાદ "વિવિધ કંપનીઓ દ્વારા લેયરિંગ કરીને આ નાણાંની હેરાફેરી કરવામાં આવી હતી. આ પહેલા ઈડીએ 2019માં ₹205 કરોડથી વધુની સંપત્તિ ટાંચમાં લીધી હતી.