બેંકનું કામ હોય તો ઝટથી પતાવી લો હડતાળને લઇને પાંચ દિવસ ખોરવાશે કામકાજ

26 ડિસેમ્બરે તો બેંકો એ રાષ્ટ્રવ્યાપી હડતાળનું એલાન કરી દીધુ છે. પરંતુ બેંક ઑફિસરોના યુનિયનને 21 ડિસેમ્બરે પણ બેંકો બંધ રાખવાની ચીમકી આપી છે. વળી ડિસેમ્બરના છેલ્લા અઠવાડિયામાં ક્રિસમસની રજા આવી રહી છે. આથી ડિસેમ્બરના છેલ્લા અઠવાડિયોમાં બેંકના બધા જ કામકાજ ખોરવાઇ જવાની શક્યતા છે. 

ધ ઑલ ઇન્ડિયા બેંક ઑફિસર્સ કોન્ફેડરેશન (AIBOC)એ જણાવ્યુ કે ક્લાસ 4 અને તેના ઉપરના અધિકારીઓને પગારના સેટેલમેન્ટ અવગણયા હોવાથી તેના વિરોધમાં 21 ડિસેમ્બરે હડતાળ પાડવામાં આવી છે. 21 ડિસેમ્બરના શુક્રવાર છે. થી 26 ડિસેમ્બર સુધી બેંકના કામકાજ ખોરવાય તેવી શક્યતા છે. માત્ર 24 ડિસેમ્બર સોમવારે બેંક ચાલુ રહેશે. 22 ડિસેમ્બરે બીજો શનિવાર હોવાથી બેંક બંધ રહેવાની છે. 

AIBOCએ હડતાળની નોટિસમાં જણાવ્યું “અમે સ્કેલ 1થી 6ના ઑફિસરો માટે પગાર વધારાનો સંપૂર્ણ અધિકૃત આદેશ છચ્છીએ છીએ''આ લેટરની કૉપી દિલ્હીના ચીફ લેબર કમિશનરને પણ આપવામાં આવી હતી. યુનાઈટેડ ફોરમ ઑફ બેન્ક યુનિયન્સ (UFBU) હેઠળ નવ બેન્ક એસોસિયેશન કામ કરે છે. UFBUએ 26 ડિસેમ્બરે પગારના સેટલમેન્ટ અને બેન્કના મર્જર વિરુદ્ઘ હડતાળની જાહેરાત કરી છે. 

UFBUએ ઈન્ડિયન બેન્ક્સ એસોસિયેશનની 8 ટકા પગારવધારાની ઑફર ઠુકરાવી દીધી હતી. એસોસિયેશને સ્કેલ 1થી સ્કેલ 3ના અધિકારીઓને સેટલમેન્ટ આપવાની તૈયારી દર્શાવી હતી અને સ્કેલ 4 પછીના અધિકારીઓ માટે બેંક મુજબ પગાર વધારો આપવાની ઑફર કરી હતી. AIBOC જનરલ સેક્રેટરી સૌમ્ય દત્તાએ જણાવ્યું કે 1979થી સ્કેલ 1થી સ્કેલ 6ના મેનેજરનો સાથે પગાક કરાય છે. IBAએ મોટાભાગના બેન્ક કર્મચારીઓએ આ માટે સહમતિ નથી આપી એ વાતને અવગણી છે જેની સામે અમારો વિરોધ છે.