પ્રપોઝલ / સરકારી બેંકના કર્મચારીઓ માટે ખુશખબર, હવે પગાર સાથે મળી શકે છે આ.....

• પગારની સાથે મળશે પરફોર્મન્સ-લિંકડ ઇન્સેટિવ
• પ્રાઇવેટ સેકટરના બેંકના કર્મચારીઓને પહેલાથી જ મળી રહી છે
• SBI પહેલા પણ કરી ચૂકી છે આવી રજૂઆત

IBA  એ આપ્યું હતું પ્રપોઝલ

સૂત્રોને જણાવ્યાં અનુસાર ઇન્ડિયન બેંકસ એસોસિયેશન (IBA)ની પગાર પર વિચાર કરનારી કમિટીએ ગત અઠવાડિયે PLI નું પ્રપોઝલ આપ્યું હતું, જેનો સૈદ્ધાંતિક તરીકે સ્વીકાર કરી લેવામાં આવ્યો. આ કમિટીના પ્રમુખ યુનિયન બેંક ઓફ ઇન્ડિયાના એમડી રાજકિરણ રાય છે. બેંકના વાર્ષિક પરિણામની જાહેરાત બાદ PLI ની ગણતરી કરવામાં આવી શકે છે. સરકારી બેંકોના કર્મચારીઓના પગાર વધારા પર દ્વિપક્ષીય સમજુતિ દર પાંચ વર્ષે થાય છે. પગારના વધારાની 11મી સમજૂતિ પર હાલમાં વાતચીત થઇ રહી છે. આ સમજૂતિ  1 નવેમ્બર, 2017 થી લાગુ થવાનો છે. 

પગારથી અલગ હશે PLI

ઓલ ઇન્ડિયા બેંક ઓફિસર્સ કન્ફેડરેશન (AIBOC) ના જનરલ સેક્રેટરી સૌમ્ય દત્તાએ કહ્યું, 'પરફોર્મન્સ લિંકડ પે ના મુદ્દા પર વલણમાં ફેરફાર થયો છે. IBA એ સ્પષ્ટ કર્યું છેકે PLI ને પગારમાં સામેલ કરવામાં આવશે નહીં. આ દ્વિપક્ષીય સમજૂતિમાં પગારમાં વધારાથી અલગ હશે.' IBA એ પગારમાં 12 ટકાના વધારાની રજૂઆત કરી છે, જ્યારે બેંક યુનિયન્સ દ્વારા ઓછામાં ઓછા 15 ટકાના વધારા પર જોર આપવામાં આવી રહ્યું છે. 

SBI પહેલા પણ કરી ચૂકી છે આવી રજૂઆત

સ્ટેટ બેંક ઓફ ઇન્ડિયા સહિત કેટલીક  બેંકો પહેલેથી જ વિશેષ માપદંડોના આધાર પર કર્મચારીઓને રિવર્ડ અને ઇન્સેટિવની રજૂઆત કરી છે, પરંતુ નવુ સ્ટ્રકચર અલગ હશે, કારણ કે આ વિશેષ બેંકોના પ્રદર્શન પર નિર્ભર કરશે, કર્મચારીઓના પ્રદર્શન પર નહીં.