બેંકના ગ્રાહકો માટે ખૂબ જ મહત્વપૂર્ણ સમાચાર છે. આજકાલ સાયબર એટેકના કેસમાં નોંધપાત્ર વધારો થયો છે. તો તમે ફોનમાં આ એપ્સ ભૂલથી પણ ન રાખતા.
બેંકના ગ્રાહકો માટે કામના સમાચાર
અત્યારે સાઈબર એટેકના કેસ વધી ગયા છે
ફોનમાં આ એપ્સ રાખશો તો ખાતાનું બેલેન્સ ઝીરો થઈ જશે
હકીકતમાં ગૂગલ પ્લે સ્ટોર પર અવેલેબલ ખતરનાક એન્ડ્રોઈડ એપ્સ ઓળખી કાઢવામાં આવી છે. આ એપ્સ જોકર માલવેરથી સંક્રમિત છે, જે તમને નુકસાન પહોંચાડી શકે છે.
સાયબર સિક્યોરિટી રિસર્ચર Zscalerની ThreatLabz રિપોર્ટ અનુસાર, કુલ 11 એવી એપ્સની ઓળખ કરવામાં આવી છે, જે બેન્કિંગ ફ્રોડ માટે જવાબદાર છે. રિપોર્ટમાં કહેવામાં આવ્યું છે કે આ એપ્સ અત્યાર સુધી 3000થી વધુ વખત ઇન્સ્ટોલ કરવામાં આવી છે. આવી સ્થિતિમાં જો આ એપ્લિકેશન હજી પણ તમારા ફોનમાં છે, તો તરત જ તેને હટાવી દો નહીંતર તમારા પૈસા સાફ થઈ શકે છે.
આ રીતે એપ્સ નુકસાન પહોંચાડે છે
રિપોર્ટ અનુસાર, આ જોકર માલવેર એક ફેમસ વેરિઅન્ટ છે, તે ખાસ એન્ડ્રોઇડ ડિવાઇસ માટે બનાવવામાં આવ્યું છે જ્યાં તે યુઝર્સ પર હુમલો કરે છે. તે જાસૂસી કરવા, એસએમએસ દ્વારા માહિતી ચોરી કરવા માટે બનાવવામાં આવ્યું છે. જોકર માલવેરથી સંક્રમિત મોબાઇલથી બેંકમાં છેતરપિંડી કરવામાં આવે છે. ઉપરાંત, જોકર એન્ડ્રોઈડ ચેતવણી સિસ્ટમ દ્વારા તમામ નોટિફિકેશન માટે પરમિશન મેળવે છે. જોકર માલવેર ટ્રાન્સલેશન ફ્રી, પીડીએપ કન્વર્ટર સ્કેનર, ડિલક્સ કીબોર્ડ દ્વારા ફોનમાં પહોંચે છે.