સુવિધા / ATMમાંથી રોકડ નીકાળવા સિવાય બેંકના આ કામ પણ થઇ શકશે

- ઘણા ઓછા લોકો જાણે છે કે ATMથી લોન લેવા માટે અપ્લાય કરી શકાય છે. વાસ્વતમાં ઘણી પ્રાઇવેટ બેંક ATMની મદદથી પોતાના ગ્રાહકોને પ્રીઅપ્રૂવ્ડ પર્સનલ લોન ઑફર કરે છે. મહત્વની વાત છે કે આ લોનની મદદથી તમે ફોન બેંકિંગ અથવા તો બ્રાન્ચમાં જવાની પણ જરૂર નહી પડે. આ લોન એમાઉન્ટને ATMની મદદથી નીકાળી શકાશે.

- આજ રીતે ATMની મદદથી ટેક્સ ફિક્સ્ડ ડિપોઝિટ એટલે કે FD કરાવવાની સુવિધા મળે છે, જેની મદદથી ATM મશીન પર સ્ક્રીનમાં આપેલા મેન્યૂમાં FDનો ઑપ્શન સિલેક્ટ કરવાનું રહેશે. જે પછી તમે FD ખોલી શકો છો. જેમાં ડિપોઝિટની અવધિ અને રકમથી જોડાયેલા તમામ વિકલ્પ રહે છે. 

- દેશની મોટાભાગની પ્રાઇવેટ અને સરકારી બેંકમાં કેશ ડિપોઝિટ મશીન લાગેલી હોય છે. જેની મદદથી તમે એકાઉન્ટમાં પૈસા જમા કરી શકો છો. એક વખત મશીનની મદદથી તમે 49000 રૂપિયા જમા કરી શકો છો. આ મશીનમાં 2000 રૂપિયાથી 50 રૂપિયા સુધીની નોટ જમા કરી શકો છો.

- ATMની મદદથી જ્યારે ઇન્શ્યોરન્સ પોલિસીનું પ્રીમિયમ પણ જમા કરાવી શકાય છે. બેંકોએ આ માટે LIC, HDFC લાઇફ અને SBI લાઇફ જેવી વીમા કંપનીઓ સાથે કરાર કર્યો છે. ATM સ્ક્રીન પર બિલ પે સેક્શનમાં આ સુવિધા મળે છે. 

- આ રીતે ATMથી ટેલિફોન, વિજળી, ગેસ અથવા તો બીજા બિલ ATMની મદદથી ચૂકવી શકો છો. 

- ઘણા ઓછા લોકો જાણતા હોય છે કે ઇન્કમ ટેક્સની ચૂકવણીની સુવિધા ATM પર મળે છે. એડવાન્સ ટેક્સ, સેલ્ફ એસેસમેન્ટ, રેગ્યુલર એસેસમેન્ટ પથી ચૂકવણીવાળો ટેક્સ શામેલ છે. જોકે આ પહેલા વેબસાઇટ અથવા તો બ્રાન્ચમાં પોતે રજિસ્ટ્રર કરાવવુ પડશે.

- જો તમે બીજા ખાતામાં રૂપિયા ટ્રાન્સફર કરવા માંગો છો તો ATMની મદદથી કરી શકશો. વાસ્તવમાં ATMની મદદથી બીજા ખાતામાં રકમ ટ્રાન્સફર કરવાની સુવિધા મળે છે. તમને જણાવી દઇએ કે, ATMમાંથી એક વખત 40000 રૂપિયા સુધીની રકમ ટ્રાન્સફર કરી શકાય છે.