INDvsBAN / ભારતનું સપનું ચકનાચુર; ડર્કવર્થ લુઇસ પ્રમાણે ભારતને હરાવીને ઈતિહાસમાં પહેલી વાર બાંગ્લાદેશ U19 ક્રિકેટ વર્લ્ડ કપ ચેમ્પિયન બન્યું

• પ્રથમ વખત બાંગ્લાદેશ બન્યું ચેમ્પિયન
• સતત બીજા વર્ષે ફાઈનલમાં પહોંચ્યું હતું ભારત 

સ્કોર કાર્ડ 

આજે સાતમી વખત ફાઈનલમાં ઉતરેલી U 19 ભારતીય ક્રિકેટ ટીમ સતત બીજા વર્ષે વિશ્વકપ જીતવા માટે મહેનત કરી રહ્યું હતું. ભારતીય ટીમે સેમીફાઈનલમાં પાકિસ્તાનને માત આપી હતી. આજે ભારત પાસે ઈતિહાસ રચી દેવાની તક હતી. અન્ડર 19 વર્લ્ડકપમાં હંમેશાથી ભારતનો દબદબો રહ્યો છે. મેચમાં યશસ્વીએ ધુઆંધાર બેટિંગ કરી હતી.  જોકે બાદમાં બાંગ્લાદેશના બોલર્સને એક બાદ એક સફળતાઓ મળી રહી હતી. ભારતીય ટીમ પૂરા 50 ઓવર રમી પણ ન શકી અને ઓલ આઉટ થઇ ગઈ. ફાઈનલ મેચમાં બાંગ્લાદેશને 178 રનનો ટાર્ગેટ આપ્યો હતો. 

આજે ભારત અને બાંગ્લાદેશ વચ્ચે અન્ડર 19 વર્લ્ડ કપની ફાઈનલ મેચ રમવામાં આવી હતી. ભારતની સૌથી પહેલી વિકેટ માત્ર 9 રનના સ્કોર પર જ પડી હતી. દિવ્યાંશ સક્સેના 2 રન બનાવી આઉટ થયા હતા. આજની મેચમાં બાંગ્લાદેશે ટોસ જીતીને ભારતને બેટિંગ કરવા આમંત્રણ આપ્યું હતું. અન્ડર 19 વર્લ્ડ કપમાં વર્ષોથી ભારતનો દબદબો છે. આ વર્ષે પ્રિયમ ગર્ગની કેપ્ટનશીપમાં ભારતીય ટીમ પાસે સતત બીજા વર્ષે વર્લ્ડકપ જીતવાનો મોકો હતો. આજની મેચમાં યશસ્વી જયસ્વાલે શાનદાર પ્રદર્શન કર્યું હતું. 121 બોલમાં 88 રન કર્યા યશસ્વીએ આઠ ચોક્કા અને 1 સિક્સ ફટકારી હતી.

આજે બેટિંગ વખતે ભારતીય બેટ્સમેનમાં અંદરોઅંદર તાલમેલની ઉણપ જોવા મળી હતી. જેથી રવિ બિશ્નોઈ રન આઉટ થઇ ગયા. શોરીફુલની બોલ પર અથર્વએ હિટ કર્યું અને સિંગલ રન લેવા દોડ્યા પરંતુ સંકલનના અભાવના લીધે રવિ રન આઉટ થઇ ગયા. જે બાદ ભારતની છેલ્લી આશા એવા અથર્વ અંકોલેકર પણ 3 રનમાં બોલ્ડ થઇ ગયા. 

Yashasvi Jaiswal's #U19CWC with the bat:

Runs: 4️⃣0️⃣0️⃣
Fifites: 4️⃣
Hundreds: 1️⃣
Average: 1️⃣3️⃣3️⃣.3️⃣3️⃣

👏 👏 #INDvBAN | #FutureStars pic.twitter.com/IJPZw6rtbr

— Cricket World Cup (@cricketworldcup) February 9, 2020

ભારત સાતમી અને બાંગ્લાદેશ પહેલીવાર ફાઈનલમાં 

હાલની ભારતીય ટીમની વાત કરીએ તો આ જુનિયર્સની ટીમ સિનિયર્સ કરતા કમ નથી. ટીમ વિશ્વકપ સિવાય દુનિયાભરમાં 30 મેચ રમવામાં આવી છે. ફાઈનલમાં બાંગ્લાદેશ સામે મુકાબલો થઇ રહ્યો છે. આ જ બાંગ્લાદેશની ટીમ ગયા વર્ષે ક્વોર્ટર ફાઈનલમાં ભારત સામે હારી ગઈ હતી. પ્રિયમ ગર્ગની આગેવાનીમાં ભારતની ટીમ એશિયા કપમાં બાંગ્લાદેશની ટીમને હરાવી ચુકી છે. ભારતની ટીમ સાતમી વખત ફાઈનલના મુકાબલામાં પહોંચી છે. જયારે બાંગ્લાદેશની ટીમ પહેલીવાર ફાઈનલમાં આવી છે. ભારતે સેમીફાઈનલમાં પાકિસ્તાનને ધૂળ ચટાડી દીધી હતી. બાંગ્લાદેશી ટીમ ન્યૂઝીલેન્ડને હરાવીને ફાઈનલમાં આવ્યું છે. 

The moment Jaiswal reached 50.

The India fans are loving this knock!#U19CWC | #INDvBAN | #FutureStars pic.twitter.com/a0aHGhieAm

— Cricket World Cup (@cricketworldcup) February 9, 2020

ભારતની ટીમ : પ્રિયમ ગર્ગ, આકાશ સિંહ, અથર્વ અંકોલેકર, શુભાંગ હેગડે, યશસ્વી જયસ્વાલ, ધ્રુવ જુરેલ, કાર્તિક ત્યાગી, કુમાર કુશાગ્ર, સુશાંત મિશ્રા, વિદ્યાધર પાટીલ, રવિ બિશ્નોઈ, શાસ્વત રાવત, દિવ્યાંશ સક્સેના, તિલક વર્મા, સિદ્ધેશ વીર. 

બાંગ્લાદેશની ટીમ : પરવેજ હુસૈન, તન્જીદ હસન, મહમુદ્દલાહ હસન જોય, તાઉહીદ, શહાહદત હુસૈન, અકબર અલી, શમીમ હુસૈન, રકીબુલ હસન, શોરીફૂલ ઈસ્લામ, તજીમ હસન શાકીબ, હસન મુરાદ, મૃત્યુંજય ચૌધરીસ અવિશેક દાસ, પ્રાંતિક નોરોઝ, શાહીન આલમ