હિંસા / બાંગ્લાદેશ હિંસા: શેખ હસીના ફ્લાઇટ નંબર AJAX1431 થી દિલ્હી આવતા હોવાની શક્યતા, સેનાએ કહ્યું 'વચગાળાની સરકાર બનશે'

બાંગ્લાદેશમાં અનામત વિરોધી આંદોલન હિંસક બન્યા બાદ PM શેખ હસીનાએ 5 ઓગસ્ટે રાજીનામું આપી દીધું હતું. આર્મી ચીફ જનરલ વકાર-ઉઝ-ઝમાને આ વાતની પુષ્ટિ કરી છે. તેમણે ઢાકામાં પત્રકાર પરિષદમાં કહ્યું કે હવે સેના વચગાળાની સરકાર બનાવશે.બીજી તરફ ઢાકામાં સ્થિતિ કાબૂ બહાર છે. આર્મી ચીફે લોકોને શાંતિ સ્થાપિત કરવાની અપીલ કરી છે. તેમણે કહ્યું કે અમે સ્થિતિને નિયંત્રણમાં લાવીશું.

લગભગ 4 લાખ લોકો રસ્તા પર છે. રાજધાનીમાં વિવિધ સ્થળોએ હિંસા અને તોડફોડ થઈ રહી છે. પીએમ શેખ હસીનાએ પીએમ આવાસ છોડી દીધું છે. સમાચાર એજન્સી એએફપીએ સૂત્રોના હવાલાથી જણાવ્યું છે કે વડાપ્રધાન ઢાકા છોડીને કોઈ સલામત સ્થળે શિફ્ટ થઈ ગયા છે. તેની બહેન રેહાના પણ તેની સાથે છે. સ્થાનિક મીડિયાના જણાવ્યા અનુસાર આંદોલનકર્તાઓએ અવીમી લીગના પ્રમુખ શેખ હસીનાની ઓફિસને આગ લગાવી હતી.

કેટલાક મીડિયા અહેવાલોમાં દાવો કરવામાં આવી રહ્યો છે કે હસીના લશ્કરી હેલિકોપ્ટર દ્વારા ભારત પહોંચી છે. તેના પશ્ચિમ બંગાળમાં હોવાના સમાચાર છે. જોકે આ વાતની પુષ્ટિ થઈ શકી નથી. હસીનાના દેશ છોડવા પર આર્મી ચીફે કશું કહ્યું નથી.

વધું વાંચોઃ VIDEO : ઢાકાથી ભાગીને ભારત આવ્યાં બાંગ્લાદેશના PM શેખ હસીના, હવે અહીંયા જવા રવાના

બાંગ્લાદેશી અખબાર પ્રોથોમ અલો અનુસાર પ્રદર્શનકારીઓ અને પોલીસ વચ્ચે ઘણી જગ્યાએ અથડામણ થઈ છે. જેમાં 6થી વધુ લોકોના મોત થયા છે. દેખાવકારોએ તાંગેલ અને ઢાકાના મુખ્ય હાઇવે પર કબજો જમાવી લીધો છે.

બાંગ્લાદેશમાં કેમ ભડકી હિંસા?

અનામતના મુદ્દે બાંગ્લાદેશમાં હિંસા ભડકી છે. હકીકતમાં સરકારે 1971 સ્વાતંત્ર્ય સેનાનીઓના પરિવારો માટે 30 ટકા સરકારી નોકરીઓ અનામત રાખતી ક્વોટા સિસ્ટમ લાગ પાડ્યાં હિંસા ભડકી ઉઠી હતી. આ અનામત હટાવાની લોકોની માગ છે અને તેના વિરોધમાં તેઓ રસ્તા પર ઉતર્યાં હતા. અત્યાર સુધીમાં હિંસામાં 300થી વધુ લોકો માર્યાં ગયા છે અને 11 હજાર લોકોની ધરપકડ કરવામાં આવી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ