મહમુદૂલ હસન જોયની સેન્ચુરીની મદદથી બાંગ્લાદેશે ગુરુવારે ન્યૂઝીલેન્ડને ૬ વિકેટથી હરાવીને અંડર 19 વર્લ્ડકપની સેમિફાઇનલમાં જગ્યા બનાવી દીધી છે. હવે ફાઇનલમાં બાંગ્લાદેશની મેચ ચાર વખતની ચેમ્પિયન ભારતીય ટીમની સાથે થશે.
ભારતે પોતાના કટ્ટર પ્રતિસ્પર્ધી પાકિસ્તાનને પરાજય આપીને ફાઇનલમાં પ્રવેશ કર્યો હતો, ન્યૂઝીલેન્ડે સેમિફાઇનલમાં નિર્ધારિત 50 ઑવરમાં આઠ વિકેટે 211 રન કર્યા હતા, જેના જવાબમાં બાંગ્લાદેશે 44.1 ઓવરમાં ટાર્ગેટ પૂરો કરી દીધો. ભારત અને બાંગ્લાદેશ વચ્ચે નવમી તારીખે ફાઇનલ રમાશે.
ભારતીય ટીમે સળંગ ત્રીજી અંડર 19 વર્લ્ડકપની ફાઇનલમાં પહોંચી છે. અગાઉ ભારતે ચાર વખત વર્લ્ડકપ જીતી લીધો છે. જ્યારે હાલમાં પણ તે વર્તમાન ચેમ્પિયન છે. જ્યારે બાંગ્લાદેશ પ્રથમ વખત કોઇ વૈશ્વિક ટૂર્નામેન્ટમાં ફાઇનલમાં જગ્યા બનાવી છે.
બાંગ્લાદેશ માટે મહમૂદુલે 127 બૉલમાં 13 બાઉન્ડ્રીની મદદથી 100 રન કર્યા હતા. બાંગ્લાદેશે શરૂઆતની 2 વિકેટ 32 રનના સ્કોર પર ગુમાવી દીધી હતી પરંતુ મહમૂદુલે તોહીદ 40 રનની સાથે મળીને ઇનિંગ સંભાળી હતી અને ત્રીજી વિકેટ માટે 68 રનની પાર્ટનરશિપ નોંધાવી હતી, જે પછી શહાદત હુસૈન 40 નૉટ આઉટ સાથે ચોથી વિકેટ માટે 101 રનની પાર્ટનરશિપ કરી. મદમૂહુલે ટીમનો સ્કોર 201 પર હતો ત્યારે આઉટ થયો.
પહેલા બેટિંગ કરવા માટે આવેલી ન્યૂઝીલેન્ડની ટીમના વ્હીલક-ગ્રીનવાલની અણનમ હાફ સેન્ચુરીની મદદથી 8 વિકેટે 211 રન કર્યા હતા, તેણે 83 બૉલમાં 5 બાઉન્ડ્રી અને 2 સિક્સરની મદદથી 75 રન કર્યા હતા. આ ઉપરાંત નિકોલસ લિડસ્ટોને 74 બૉલમાં 2 બાઉન્ડ્રીની સાથે 44 રનનુ યોગદાન આપ્યુ હતુ.
ભારતે અંડર-19 વર્લ્ડ કપની સેમિફાઇનલમાં પાકિસ્તાનને 10 વિકેટે હરાવ્યું છે. આ જીત સાથે ભારત સાતમીવાર ફાઇનલમાં પહોંચ્યું છે. તેમજ ટૂર્નામેન્ટમાં સતત ચોથી વખત પાકિસ્તાનને માત આપી છે. ટોસ જીતીને પ્રથમ બેટિંગ કરતા પાકિસ્તાન 43.1 ઓવરમાં 172 રનમાં ઓલઆઉટ થયું હતું. ટાર્ગેટ પૂરો કરવા માટે આવેલી ભારતે 35.2 ઓવરમાં વિના વિકેટે ટાર્ગેટ ચેઝ કર્યો. ભારત પહેલીવાર 2000માં ફાઇનલમાં પહોંચ્યું હતું અને ત્યારે ચેમ્પિયન બન્યું હતું. તે પછી 2008 અને 2018 ચેમ્પિયન, જ્યારે 2006, 2012 અને 2016માં રનરઅપ રહ્યું હતું.