આશ્ચર્ય / છે ને શોખીન બાકી! ચોકલેટ ખાવા માટે સરહદ પાર કરીને જતો હતો, પોલીસે પકડ્યો તો કર્યો ધડાકો

• એક યુવક કાયદેસર દસ્તાવેજ વગર દેશમાં ઘુસી આવ્યો
• તારની વચ્ચે બનાવેલા ગેપમાંથી નિકળીને સરહદની અંદર થતો હતો દાખલ
• BSFએ ધરપકડ કરી સ્થાનિક પોલીસને સોંપ્યો

વારંવાર આવતો હતો ઈમામ

સેના સાથેની પૂછપરછ દરમ્યાન યુવકે ભારતમાં આવવાનું કારણ જે જણાવ્યું. જે ખૂબ અજબગજબ હતુ. બૉલીવુડ મૂવી બજરંગી ભાઈજાનના પાત્ર જે રીતે સરહદ પર રહેલા તારની નીચેથી પાકિસ્તાનમાં એન્ટ્રી કરતા હતા, એ જ રીતે આ યુવક તારની વચ્ચે બનાવેલા ગેપમાંથી નિકળીને એક નદીમાંથી તરીને દેશની સરહદની અંદર દાખલ થતો હતો. મજાની વાત એ છે કે પૂછપરછમાં યુવકે જાતે જણાવ્યું કે તે પહેલી વખત અહીં આવ્યો નથી. પરંતુ આ તેનુ દરરોજનું કામ છે. 

ચોકલેટ માટે ગયો જેલ

બાંગ્લાદેશ રહેવાસી ઈમાન હોસૈને જણાવ્યું કે આંતરરાષ્ટ્રીય સરહદ પર રહેલા તારની વચ્ચેના ગેપમાંથી નિકળીને નાની નદીમાં પહોંચતો હતો અને તેમાંથી તરીને ત્રિપુરાના કલામચૌરા ગામ આવી જતો હતો. બોર્ડર સિક્યોરિટી ફોર્સે પણ આ યુવકની અહીંથી ધરપકડ કરી અને સ્થાનિક પોલીસને સોંપી દીધો. સોનામુરા SDPO બનોજ બિપ્લવે જણાવ્યું કે કોર્ટે તેને 15 દિવસની જ્યુડિશીયલ કસ્ટડીમાં મોકલ્યો છે. પૂછપરછ દરમ્યાન યુવકે ભારત આવવાનુ જે કારણ દર્શાવ્યું તેના પર પહેલા તો બીએસએફના અધિકારીઓને પણ વિશ્વાસ ના થયો. 

પોલીસને યુવક પાસેથી શંકાસ્પદ વસ્તુ મળી નથી

પોલીસે જ્યારે ઈનામ સાથે પૂછપરછ કરી તો તેણે જણાવ્યું કે તે તેની મનપસંદ ચોકલેટ ખરીદવા અહીં આવતો હતો. પોલીસને તેની પાસેથી બાંગ્લાદેશી મુદ્રા પણ મળી છે, પરંતુ કોઈ શંકાસ્પદ ચીજવસ્તુ મળી નથી. તેને ફક્ત કાયદેસર દસ્તાવેજો વગર ભારત આવવા માટે પકડવામાં આવ્યો છે. આ મામલે તપાસ ચાલી રહી છે અને યુવકના પરિવાર સાથે સંપર્ક કરાઈ રહ્યો છે.