ક્રિકેટ / ત્રિકોણીય શ્રેણીઃ ફાઇનલમાં વિન્ડીઝને હરાવી બાંગ્લાદેશની ટીમ ચેમ્પિયન બની

ગઈ કાલે ફાઇનલ શરૂ થતાં પહેલાં વરસાદ પડ્યો હતો, જેને કારણે ઓવરની સંખ્યા ઘટાડીને 24 કરી દેવામાં આવી હતી. આમ છતાં વિન્ડીઝની ટીમ બાંગ્લાદેશની ટીમને પાંચ વિકેટે જીતતા રોકી શકી નહોતી.

બાંગ્લાદેશના કેપ્ટન મુશરફે મુર્તુઝાએ ટોસ જીતીને બોલિંગ કરવાનો નિર્ણય કર્યો હતો. શરૂઆતની 20 ઓવરમાં વિન્ડીઝની ટીમે બહુ જ ધીમી બેટિંગ કરી અને વિના વિકેટે 125 રન બનાવી લીધા. ત્યાર બાદ ફરી શરૂ થયેલા વરસાદે ત્રણ કલાકની રમત બગાડી નાખી હતી. મેચ ફરી શરૂ થયા બાદ વિન્ડીઝે 24 ઓવરમાં એક વિકેટે 152 રન બનાવ્યા.

ડક્વર્થ-લૂઇસ નિયમ પ્રમાણે બાંગ્લાદેશને નવું લક્ષ્ય 153 રનનું નહીં, પરંતુ 210 રનનું મળ્યું હતું. જોકે બાંગ્લાદેશી બેટ્સમેનોએ તોફાની બેટિંગ કરીને 23મી ઓવરમાં જ વિજયી લક્ષ્ય હાંસલ કરી ચેમ્પિયનશિપ જીતી લીધી હતી. બાંગ્લાદેશ તરફથી સૌમ્ય સરકારે 41 બૉલમાં 66 રન કર્યા, રહીમે 36 અને મૈસદ્દિક હુસેને 24 બૉલમાં 52 રન બનાવીને ટીમની જીતમાં મહત્ત્વનું યોગદાન આપ્યું હતું.