અમદાવાદમાં ખાલિસ્તાન આતંકી ધમકી મામલે સિમ બૉક્સ મળ્યા છે. વધુમાં આ પ્રકરણને બાંગ્લાદેશ અને પાકિસ્તાન સાથે કનેક્શન હોવાનું ધડાકો થયો હતો.
ખાલિસ્તાન આતંકી ધમકી મામલે મળ્યા સિમ બૉક્સ
આરોપીની તપાસમાં ફરી મળ્યા સિમ બૉક્સ
2 સિમ બોક્સમાંથી મળી આવેલા 60 સિમ કાર્ડમાં થયો ખુલાસો
ખાલીસ્તાન આતંકી ધમકી કેસમાં પોલીસે બે આરોપીને દબોચી લીધા હતા. જે પ્રકરણમાં વધુ એક ઘટસ્ફોટ થયો છે. જેમાં પોલીસની તપાસમાં ધમકી ભર્યા મેસેજની વોઇસ કલીપ મોકલનારનું નામ સામે આવ્યું છે. આ કેસમાં બાંગ્લાદેશ અને પાકિસ્તાન કનેક્શન હોવાનું ધડાકો થતા ચકચાર મચી જવા પામી છે. સિમ બોક્સમાંથી મળી આવેલા સિમ કાર્ડમાં કનેકશન સામે આવતા સાયબર ક્રાઇમે ફોરેન્સિક સાયન્સની મદદથી તપાસ શરૂ કરી છે.
પોલીસ તપાસમાં 60 જેટલા સિમકાર્ડ મળ્યા
અમદાવાદના મોટેરા સ્ટેડિયમમાં ખાલીસ્તાન આતંકીની ધમકી મામલે સાયબર ક્રાઇમે મધ્યપ્રદેશ થી પકડેલા 2 આરોપી રાહુલ દ્રીવેદી અને નરેન્દ્ર કુશવાહની પૂછપરછમાં ચોંકાવનારા ખુલાસા થયા છે. વોઇસ ધમકી દ્વારા દહેશત ફેલાવવાના ષડયંત્રમાં બાંગ્લાદેશ અને પાકિસ્તાનનું કનેક્શન હોવાનું બહાર આવ્યું હતું. જેને પગલે સાયબર ક્રાઇમની ટીમે તપાસ કરતા પકડેલા આરોપી રાહુલ વધુ 2 સિમ બોક્સ મધ્યપ્રદેશના સતના જિલ્લામાં મકાન ભાડે રાખીને ઓપરેટ કરી રહ્યો હોવાનું સામે આવતા 2 સિમ બોક્સ સાયબર ક્રાઇમે પકડયું છે. અને તેમાંથી 60 જેટલા સિમકાર્ડ મળી આવ્યા છે.
આરોપી 1 વર્ષમાં 80 લાખ રૂપિયા કમાયો
તપાસમાં બહાર આવ્યું છે કે પકડાયેલ આરોપી રાહુલને મોહસીન નામના શખ્સએ ખાલીસ્તનના ધમકી ભર્યા મેસેજ વાયરલ કરવા કોન્ટ્રાકટ આપ્યો હતો. જે બદલામાં 5 લાખ રૂપિયા નક્કી કરાયા હતા. આ રૂપિયા રાહુલને કુરિયર અને હવાલા મારફતે મળ્યા હોવાનું પણ સામે આવ્યું છે. એટલું જ નહીં હવામાં મારફતે મળેલા રૂપિયાનું રાહુલે સ્પામાં રોકાણ કર્યું હતું અને 3 જેટલા સ્પા સેન્ટલ બનાવ્યા હતા. ખાસ વાત તો એ છે કે દહેશત ફેલાવવાના ષડયંત્રમાં રાહુલ છેલ્લા 1 વર્ષમાં 80 લાખ રૂપિયા કમાયો હતો. રાહુલ દુબઇમાં મોહસીનના પરિચયમાં આવ્યો હતો. જો કે કોન્ટ્રાકટ આપનાર મોહસીન અન્ડર વલ્ડના કનેક્શન સાથે સંકળાયેલા હોવાની આશંકા સાયબર ક્રાઇમેં વ્યક્ત કરી છે.
પાકિસ્તાનના કનેક્શનને લઈને તપાસ
ખાલીસ્તાન ધમકી કનેક્શન હવે આતંકી ગ્રુપ સાથે જોડાયું હોવાનું તપાસમાં સામે આવી રહ્યું છે. મોહસીન મૂળ બાંગ્લાદેશ કે પાકિસ્તાનનો હોવાનું ખુલ્યું છે.જેથી આતંકી પ્રવૃત્તિ અને ધમકી માટે સિમ બોક્સનો ઉપયોગ થતો હોવાનું જણાઈ રહ્યું છે. હાલમાં સાયબર ક્રાઇમે બાંગ્લાદેશ, દુબઈ અને પાકિસ્તાનના કનેક્શનને લઈને તપાસ આ દિશામા લંબાવી છે.