મુશફિકુર સહીમ ભલે એક રનના શતકથી ચૂકી ગયો પરંતુ વિષમ પરિસ્થિતિઓમાં રમેલી એમના શાનદાર ઇનિંન્ગ અને મુસિતફિઝુરની જોરદાર બોલિંગના દમ પર બાંગ્લાદેશે બુધવારે ફાઇનલમાં પ્રવેશ કરી દીધો છે. પાકિસ્તાનની હાર સાથે જ ક્રિકેટ પ્રેમીઓની બે હરિફ ટીમ ભારત પાકની વચ્ચે બીજી એક હરિફાઇ જોવાની ઇચ્છઆ અધૂરી રહી ગઇ.
હવે ફાઇનલ મુકાબલામાં શુક્રવારે બાંગ્લાદેશનો સામનો ટીમ ઇન્ડિયા સાથે થશે. બાંગ્લાદેશથી મળેલા 240 રનના લક્ષ્યનો પીછો કરવા ઊતરેલી સરફરાઝ અહમદની ટીમ 50 ઓવરોમાં 9 વિકેટ પર 202 રન જ બનાવી શકી.
જો કે આ પહેલા ટોસ જીતીને બેટિંગ કરવા ઊતરેલી બાંગ્લાદેશ એક સમય 12 રન પર ત્રણ ઉચ્ચ વિકેટ ગુમાવીને સંઘર્શ કરી રહ્યું હતું એવામાં રહીમે મોહબમ્મદ મિથુનની સાથે ચોથી વિકેચ માટે 144 રનની ભાગીદારી કરીને ટીમને પડકારરૂપ સ્કોર કરવામાં મદદ કરી.
ઉલ્લેખનીય છે કે ભારત અને બાંગ્લાદેશની ટીમો બીજી વખત એશિયા કપમાં ફાઇનલ હરિફાઇમાં આમને સામને હશે. જો કે વનડે પ્રારૂપમાં બંને પહેલી વખત ફાઇનલ રમશે. ગત વખતે આ ટી 20 પ્રારૂપમાં રમવામાં આવી હતી. ત્યારે ભારતે ફાઇનલમાં બાંગ્લાદેશને એના ઘરમાં 8 વિકેટથી માત આપીને પહેલી વખત ટી 20 અને કુલ છઠ્ઠી વખત પુરસ્કાર જીત્યો હતો.