બાંગ્લાદેશ: કેમિકલ ગોડાઉનમાં આગ લાગતાં 70નાં મોત 50થી વધુ ઘાયલ

બાંગ્લાદેશની રાજધાની ઢાકાના પુરાના વિસ્તારમાં કેમિકલ અને પ્લાસ્ટિકના ગોડાઉનમાં બુધવારે રાત્રે ભીષણ આગ લાગી હતી. જેમાં 70 લોકોના મોત અને 50થી વધારે લોકો ઘાયલ થયા છે. 

આ આગ એટલી ભીષણ હતી કે આજુ-બાજુની ઘણી બિલ્ડિંગો પણ આ આગની લપેટમાં આવી ગઇ હતી. જ્યારે આગ લાગી ત્યારે એક બિલ્ડિંગમાં લગ્નની પાર્ટી પણ ચાલી રહી હતી. 



અધિકારીઓના જણાવ્યા અનુસાર ઢાકાના ચોકબજાર વિસ્તારમાં પાંચ માળીયાની બિલ્ડિંગના ભોયરામાં બનાવેલ કેમિકલ ગોડાઉનમાં આગ લાગી અને ત્યાબાગ આ ભીષણ આગ આજુબાજુની ચાર બિંલ્ડિંગોમાં ફેલાઇ ગઇ. બાજુની બિલ્ડિંગોમાં પણ ગોડાઉન હતા જ્યાં પલાસ્ટિક અને અન્ય વસ્તુંઓ હોવાથી આગ વધારે વિકરાળ બની હતી.