વિચિત્ર કિસ્સો / શાળાની દિવાલો અને પગથિયા પર કોઈ 'સોરી' લખીને ભાગી ગયું, પોલીસ અને વાલીઓ ટેન્શનમાં આવ્યા

• બેંગલુરુમાંથી એક વિચિત્ર કિસ્સો સામે આવ્યો
• શાળાના પરિસરમાં મોટા અક્ષરે કોઈ સોરી લખીને ચાલ્યું ગયું
• સીસીટીવી ફુટેજમાં ભાંડો ફુટ્યો

કર્ણાટકના બેંગલુરુ શહેરના એક વિસ્તારમાં આવેલી એક પ્રાઈવેટ શાળાના પરિસર બહાર અને તેની દિવાલો પર અમુક અસામાજિક ત્તત્વો લાલ રંગની પેંટ કરીને સોરી લખી દીધું હતું. શાંતિધામ સ્કૂલની તરફ જતી સીડીઓ, દીવાલો અને રસ્તા પર સોરી લખેલુ જોવા મળ્યું હતું. જે ને જોઈને સૌ કોઈ હેરાન રહી ગયા હતા. બેંગલુરૂના ડીસીપી ડો. સંજીવ પાટિલે જણાવ્યું હતું કે, સીસીટીવી ફુટેજમાં બાઈક સવાર બે લોકો દેખાયા હતા. તેમની ઓળખાણ કરવાનું કામ હાલમાં ચાલી રહ્યું છે. એક રિપોર્ટ્સમાં જણાવ્યા અનુસાર, મંગળવારે સવારે સ્કૂલની સીડીઓ અને દીવાલો તથા રસ્તાઓ પર મોટા અક્ષરમાં સોરી લખેલુ જોવા મળ્યું છે, જેનાથી શાળાના અધિકારીઓ અને વાલીઓ પણ ચિંતામાં આવી ગયા હતા. 

સીસીટીવી ફુટેજ દ્વારા ભાંડો ફુટ્યો

પોલીસે કહ્યું કે, સ્કૂલના અધિકારીઓને શક છે કે, આ અમુક વિદ્યાર્થીઓની કરતૂત હોઈ શકે છે. જે પહેલાથી એ વાતથી ટેન્શન હશે કે, શાળા પ્રશાસન દ્વારા તેમના મુદ્દાનું સમાધાન લાવવામાં આવતુ નથી. પોલીસે જણાવ્યું હતું કે, ફરિયાદ નોંધી લેવામા આવી છે. સીસીટીવી ફુટેજમાં બે યુવક બાઈક પર સવાર દેખાઈ રહ્યા છે. ત્યાર બાદ મોટા બેગમાંથી પેંટ કાઢીને સ્કૂલ બહાર અને તેની સીડીઓ પર સોરી લખીને ફરાર થઈ જાય છે. 

પોલીસે કહ્યું કોઈ પ્રેમીની કરતૂત હોઈ શકે

રિપોર્ટ્સમાં જણાવ્યા અનુસાર શરૂઆતી તપાસમાંથી જાણવા મળે છે કે, મંગળવારની સવારે 11 કલાકને બપોરે 12 કલાકની વચ્ચે બની છે. પોલીસે જણાવ્યું હતું કે, યુવક મોટરસાયકલ પર ફુડ ડિલીવરી બેગ લઈને આવ્યા અને સ્પ્રે પેંન્ટથી સોરી લખીને ફરાર થઈ ગયા હતા. પોલીસને શંકા છે કે, કોઈ પ્રેમીની આવી કરતૂત હોઈ શકે છે. આપને જણાવી દઈએ કે, આ ઘટના સોશિયલ મીડિયા પર ખૂબ વાયરલ થઈ રહી છે. સૌ કોઈ એ વિચારમાં છે , આખરે સોરી કેમ લખ્યું ?